දකුණු අාසියාෙව් රත්තරන් ජල දහර
නාවලපිටිය ස්ටේෂම පහුවුණා. ඊළඟට තියෙන ස්ටේෂන්වලින් අමතක වෙන්නේ නෑ ඉඟුරැඔය ස්ටේෂම. ඒකට හේතුව තමයි මේ ස්ටේෂම තියෙන්නේ මහ කැලයක් මැද. ඉස්සර බලපු අප්‍රිකානු චිත්‍රපට මතක් වුණා. දවසක ගියොත් බලන්නකෝ. කොහොම හරි මේකට පස්සේ තමයි ගල්බොඩ ස්ටේෂම. අද අපි එතන බහින්න ඕන මොකද අපි බලන්න යන ඒ අපූරැ ඇල්ල, ගල්බොඩ දිය ඇල්ල තියෙන්නේ මේ ස්ටේෂම ආසන්නයේ. ගල්බොඩ ස්ටේෂම අමතක වෙන එකක් නෑ.
මොකද මැද පාලමක් හා පාලම දෙපැත්තේ බිම් ගෙවල් දෙකක් එකපාරටම දකින්න ලැබෙන්නේ මෙතෙන්දි. හරි එහෙනම් අපි බහිමු අද බලන්න යන ගල්බොඩ ඇල්ල බැලීමේ බලාපොරොත්තුවෙන් මෙතනින්
දුම්රිය ස්ටේෂම පහුකරලා යන්න කලින් යමක් ලියන්න ඕනෑ. ඒක තමයි දකුණු ආසියාවේ හොඳම ජල උල්පත විදියට සැලකෙන ජල උල්පත තියෙන්නෙත් මේ ගල්බොඩ දුම්රිය ස්ථානය පිටුපස. අතීතයේ ඉඳලා නුවර කලාවියේ ආණ්ඩුකාර බංගලාව ඇතුළු රජයේ බලවත් තනතුරැවලට ජලය සපයලා තියෙන්නේ මේ කියන උල්පතෙන්. ගල්බොඩට ආසන්නම නගරය වටවල. ඔබ දන්නවා ඇති වටවල කියන්නේ ලංකාවේ වැඩිම වාර්ෂික වර්ෂාපතනය ලැබෙන ප්‍රදේශය. ඉතින්, මේ මහ පොළොව ජල සම්පතෙන් ආඪ්‍යයි.
ගිය සතියට ඉස්සෙල්ලා සතියේ අපි ඔබට ගෙනාපු සුදු ගඟ ඇල්ල දිය ඇල්ල ගැන ලියද්දී අපි කිව්වා ඒ ඇල්ල පහුකරලා තමයි මේ ගල්බොඩ ඇල්ලට එන්න ඕනෑ කියලා. දුම්රියේ ගිහින් මේ ඇලි දෙකම බලන්න පුළුවන්. ගල්බොඩ දුම්රිය ස්ථානයෙන් බැහැලා තව කිලෝමීටර් එක හමාරක ඉතර දුරක් පයින් යන්න ඕනෑ දිය ඇල්ල දකින්න. ඒ යන මාර්ගය වැටිලා තියෙන්නේ තේ වත්තක් මැදින් හා ලැයිම් ගම්මාන කිහිපයක් මැදින්ගතව කාරණයක් තියෙනවා. මේ ඇල්ල අසලටම සාමාන්‍ය ජිප් රථමාර්ගයක් තියෙනවා. ෆෝවීල් රථයකින් එන්නට පුළුවන්. ඒ පාර වැටිලා තියෙන්නේ කොළඹ බදුල්ල දුම්රිය මාර්ගය හරහා. අපි යන දවස් වෙද්දි මේ දුම්රිය මාර්ගය හරහා යන්න දුන්නේ නෑ. එතන ආරක්ෂක ගේට්ටුවක් නැතිවීම හා දෙපැත්තෙම තියෙන වංගු නිසා වාහනයක් ඒ හරහා යද්දි කෝච්චිය ආවොත් පෙන්නේ නැති හින්දා වෙන්නට ඕනෑ. ආසන්න අතීතයේම ත්‍රී රෝද රථයක් කෝච්චියට යටවුණාලු. ඒ නිසා දැනට ගල්බොඩ ඇල්ල තියෙන්නේ බාහිර ලෝකයෙන් හැංගිලා වගේ. සංචාරකයින්ට යන්න පුළුවන් එකම ක්‍රමය පයින් යන එක විතරයි.
ගල්බොඩ ඇල්ල පිහිටලා තියෙන්නේ ජලපෝෂණය තදින්ම දැනෙන ප්‍රදේශයක පහළ නිම්නයේ. ඒ නිසා වසරේ බොහෝ කාලවලදී මේ ඇල්ල පොහොසත්. ඒ පොහොසත්බව නිසාම අපි වෙනත් ඇලි බලන්න ජලය වැඩිකාලයේ යන්න කියද්දී මේ ඇල්ල බලන්න යන්න කියන්නේ ජලය අඩුකාලයේදි. සාමාන්‍යයෙන් අගෝස්තුව වගේ වියලි දේශගුණයක් සහිත කාලයක යන තරමට හොඳයි. නැතිනම් ඇල්ල පුරා අතිශය දරැණු ලෙස කඩා හැලෙන ජලධාරාව නිසා ඔබට එහි සුන්දරත්වය විඳින්නට වරම් නොලැබෙන්න ඉඩ තිබෙනවා. කොහොම වෙතත් ඇල්ල පහළින් පරිස්සමට නාගන්න එහෙමත් පුළුවන්. හැබැයි හොඳින් පිහිනන්න බැරිනම් ඇල්ල පාමුලට යන්න එපා කියලා තමයි කියන්න වෙන්නේ.
ප්‍රසාද්
