හිටපු ඇමැතිගෙ සිංහල පාඩම
දැන උගත්කම ගැන ප්‍රසිද්ධ ගිය ආණ්ඩුවෙ හිටපු ඇමැති සයිස් මහත්තයෙක් පසුගිය දවසක ආරක්ෂක අංසෙ කන්තෝරැවකට කැඳෙව්ව... ඒ ගිය ආණ්ඩු කාලෙ කරපු සමහර වැඩ ගැන ලැබුණු පැමිණිල්ලක් විභාග කරන්න...
ඉතින් මේ දැන උගත් හිටපු ඇමැතිතුමා ආවෙ රටේ නමගිය ජනාධිපති නීතිඥතුමෙකුත් එක්කලු.. ඉතින් මේ දෙන්න සැලකිලිමත්ව පිළිගත්ත ප්‍රශ්න කිරිම් භාර තරැණ නිලධාරි මහත්තය මුලින්ම හිටපු ඇමැතිගෙ නම අහල රස්සාව ඇහුව... ඊට පස්සෙ උන්නැහේ ඉංග්‍රීසි භාෂාවෙන් තමන්ගෙ වෘත්තිය හා ඒකට අදාළ සුදුසුකම් විස්තර කළා. අනේ උන්නැහේ මේ විස්තරේ කළත් අර තරැණ නිලධාරි මහත්තය පෑන කටේ ගහන් බලන් හිටිය මිසක් වචනයක්වත් ලියාගත්තෙ නැහැ... ඊළඟට හිටපු ඇමැති පුදුමෙන් වගේ ඇහුව ඔබේ ප්‍රශ්නයටයි මම උත්තර දුන්නෙ ඇයි ලියන්නෙ නැත්තෙ කියල.
"අනේ සර් මම ඔය උපාධි අරව මේව ගැන දන්නෙත් නැහැ. ඉංග්‍රීසිත් අමාරැයි සර්ට සිංහලෙන් කියන්න පුළුවන්ද?" නිලධාරිතුමා ටිකක් අප්සෙට් එකේ කිව්ව.
ඊට පස්සෙ හිටපු ඇමැතිතුමා හොඳයි සිංහලෙන් කතාව කියල ප්‍රශ්නවලටත් උත්තර දුන්න ඊළඟට ලියාපු කටඋත්තරේට අස්සන් කරන්න කියල හිටපු ඇමැති අතට දුන්න නීති විශාරද භාෂා විශාරද මේ ඇමැතිතුමා කටඋත්තරේ කියවල මෙහෙම කිව්ව... "මහත්මය මේකෙ භාෂාව සහමුලින් වැරදී... ඉස්පිලි පාපිලි කොම්බු අකුරැ ණනලළ සේරම වැරදි. මේවා මෙහෙම වැරදුණාම ඔයා ලියල තියෙන්නෙ මම කිව්වදේට වඩා වෙනස් දෙයක් කියල පේනව... ඒක නිසා මට මේකට අස්සන් කරන්න නම් බැහැ. කොම්බුවක පාපිල්ලක තිතක වරදින් විශාල නීතිමය වැරදි වෙන බව මුන්නැහේ දන්නවද? හිටපු ඇමැතිතුමා කාරැණිකව ප්‍රශ්න කළා.
"අනේ සර් මේක මගේ රස්සාව. සර්ම එහෙනම් මේක ව්‍යාකරණ හදල දෙනවද?" නිලධාරිතුමා ආයෙම ඇහුව... ඒ ගමන පැය ගණනක් අරන් හිටපු ඇමැති කටඋත්තරේ භාෂාවත් ව්‍යාකරණත් හැදුව. හදල අත්සන් කරනකොට කට්ටියම බඩගින්නෙ දවසක් ගෙවල ඉවරලු.
