Saaravita.lk|| සබන් කුඩු ඕට්ස් කමුද?

ගැහැනියක් නැති කුස්සියක් වෙලාවකට පිස්සන් කොටුවක් වගේ කියලා සමහරැ කියනවනෙ. මේ කතාවත් ඒ බව සනාථ කරන එකක්. ගොඩාක් අකරතැබ්බිවලට මුහුණදෙන අපේ කලා ශිල්පියෙක් ඉන්නවනෙ. ළඟදි ඔහුට හා ඔහුගේ බිරියට දඹදිව වන්දනාවක් යන්න අවස්ථාව සැලසුණා. ඒත් ඔහුගේ කාර්යබහුල ෂූටිං වැඩ නිසා වන්දනාවෙ ගියේ ඔහුගේ බිරිය විතරයි. ළමයි විවාහවෙලා වෙනම ජීවත්වන නිසා ගෙදර ඉන්න වුණේ අපේ කලා ශිල්පියාට විතරයි. ෂූටිං නිසා රෑබෝවෙලා ගෙදර ඇවිත් පහුවදා උදෙන්ම යනවා. ඔන්න ටිකක් ප්‍රමාදවෙලා යන දවසක ඔහු කුස්සියට ගිහිං උදේට කන්න දෙයක් හදන්න බැලුවලු.

පහසුම දේ ඕට්ස් නිසා ඔහු ඒක හෙව්වා කුස්සියෙ හැමතැනම. අන්තිමේදී භාජනයක තිබිලා හම්බවුණා. ඔහු හැඳි කීපයක් පිඟානකට දාලා කිරි ටිකකුත් එකතු කරගත්තා. මෙන්න බොලේ එකපාරටම පෙණ එන්න පටන් අරං. බැලිනං මෙයා ඕට්ස් කියලා අරං තියෙන්නෙ සබන් කුඩු.