බුකියේ කතා වුන තෙල් ජාවාරම! (වීඩියෝසහිතයි)
ඊයෙ දිනයේ ජනප්‍රිය Facebook සමාජ පිටු අතර සහ රසිකයන් අතර සීග්‍රයෙන් පැතිර ගිය කතාවක් තියනවා. ලංකාවේ මහා පරිමාණයෙන් සිදු වෙනවයි කියන ලිහිසි තෙල් ජාවාරමක photos වගයක්. බැලූ බැල්මට photos හොර රහසේ ගත්තු බවට පෙනුනත් මේවෙන කොට මෙම සිද්දිය හා සම්බන්ධ video පටයක් අප වෙත ලැබී තිබෙනවා.
Video පටයේ පෙනෙන ආකාරයට සහ අපිට දැනගන්න ලැබුන විදිහට පාවිච්චි කරපු, කිලෝ මීටර් දහස් ගණන් දුවපු ලිහිසි තෙල් වලට අලුත් තෙල් කලවම් කරලා, branded oil loose දෙනවා කියල, මිනිස්සුන්ව නොමග යවන කුට ජාවාරමක් මේක. මේ හා සම්බන්ධ පනවා ඇති රටේ සහ රජයේ නීති රෙගුලාසි රිසි සේ උල්ලංගනය වන බවක් මෙයින් පැහැදිලව දැක බලාගන්න පුළුවන්.
මෙවැනි අවප්‍රමානික නිෂ්පාදන නිසා වාහන වලට බරපතල මට්ටමේ හානි ඇති වෙනවා විතරක් නෙමෙයි, වාහන වල ගමන් ගන්න මිනිසුන්ගේ ජීවිත, පදිකයන්ගේ ජීවිත විශාල අනතුරකට ලක්වීමක් සිදුවෙනවා. මෙවන් කුට ජාවාරම් මැඩලීමට නිසි බලධාරීන්ගේ අවධානය හැකි ඉක්මනින් යොදවන ලෙස අපි ඉල්ලා සිටිනවා.
