පූජාට කූඬලු ප්‍රශ්නයක්
පහුගිය දවසක ‘සරිගම’ චිත්‍රපටයේ ගීත 13ක් අඩංගු සීඩී පටයක් ජනගත කෙරුණා. ඒ නිමිත්තෙන් පවත්වපු මාධ්‍ය සාකච්ඡාවට චිත්‍රපටයේ ප්‍රධානීන් හැමෝම වගේ ඇවිත් හිටියා.
චිත්‍රපටයට සම්බන්ධ ප්‍රධාන ශිල්පීන් රැසක්ම චිත්‍රපටයට සම්බන්ධ ඔවුන්ගේ අත්දැකීම් මාධ්‍ය හමුවේ පවසා හිටියා.
ඒ කතාබහට එක්වුණු සරිගම ප්‍රධාන නිළි පූජා උමාශංකර් ඇගේ අත්දැකීම් විස්තර කළේ අපූරු ආකාරයකට.
“අපි රෑපගත කරපු කාලෙ අමතක නොවන සිදුවීම් ගොඩාක් තියෙනවා. ඒත් මට ඉවසන්නම බැරි එක තමයි කූඩැල්ලො කන එක. කූඩැල්ලො කන එකට වඩා මට ලොකු ප්‍රශ්නයක් තිබුණා. ඒ ප්‍රශ්නෙට කවුරුත් මේ වෙනකම් උත්තර දුන්නෙ නැහැ. දැන් මම මාධ්‍ය ඉදිරියේ දී ඒ ප්‍රශ්නෙ අහනවා. දන්න කෙනෙක් මට කියන්න. මට තියෙන ප්‍රශ්නෙ තමයි කූඩැල්ලා කන්නෙ කොයි පැත්තෙන්ද කියන එක,” ඇය කිව්වා.
YOU MAY ALSO LIKE
