පුටු ප්‍රශ්නය දුරදිග යයි
පසුගිය දවසක ආණ්ඩුවෙ ලොකු මහත්තුරැ දෙන්නගෙම සහභාගිත්වයෙන් මොරගහකන්ද විවෘත කිරීම සිද්ධ වුණා. මහා සංඝරත්නය, මැති ඇමැතිවරැ, ත්‍රිවිධ ජ්‍යොෂ්ඨයො, ප්‍රභූවරැ විශාල ගණනක් එතැනට ඇවිත් හිටිය.
මේ අයට අසුන් ගන්න ජනාධිපති ලේකම් තැනයි මහවැලි ලේකම් තැනයි තනතුරැ අනුපිළිවෙළට ආසනත් පනවල තිබුණ... කියමුකො... ඒත් ආරක්ෂක අංශයට සම්බන්ධ එක්තරා දෙපාර්තමේන්තු ප්‍රධානියකුට අනෙක් හමුදා නිලධාරීන් හා අමාත්‍යංශ ලේකම් සයිස් මහත්තුරැ එක්ක අසුන් ගන්න කිව්වම මළ පැන්නලු...
මේ ළඟදි ලොකු ආන්දෝලනයකින් පස්සෙ මේ පුටුවට ආපු ආරක්ෂක දෙපාර්තමේන්තු ලොක්ක තමන්ගෙ කටයුතු බාර නිලධාරියට හොඳවයින් දෙකක් කියල වහාම ජනාධිපති අගමැති හා කැබිනට් ඇමැතිල අගමැති හා කැබිනට් ඇමැතිල ඉන්න ප්‍රධාන වේදිකාවෙ මුලම පේළියෙන් තමන්ට පුටුවක් තියන්න නියම කළා. ඒ අනුව ආරක්ෂක නිලධාරිය පුටුව ගෙනත් කියල මේ බලදාරියට ඉඳගන්න සැලැස්සුව....
උන්නැහේ මෙතන අසුන් ගන්නකොට ඊට පස්සෙ පේළි තුනකම හිටියෙ කැබිනට් ඇමැතිවරැ. මේ විප්‍රකාර වැඩේ දැකපු ඇමැතිලට හොඳටම කේන්ති ගියා. මොණරාගල සොයිස උන්නැහේ ඇතුළු පිරිසක් ලොකු වලියක් ඇද්දලු... ඒ වලිය ලබන සතියෙ කැබිනට් මණ්ඩලේටත් එන්න පුළුවන් කියල ආරංචියි.
