ඩිරෙක්ටර්ට පොට වරදී...
ටෙලි, චිත්‍රපට නිර්මාණවල රඟපාන්න අවස්ථාවක් ලබාගත්ත සමහර අලුත් අය නොයෙක් ක්‍රම සහ විධි හොයාගෙන තියෙනවා කියලා අපට එහෙන් මෙහෙන් ඇහිලා තියෙනවනෙ.
ඔන්න ඔය කතාවට තවත් පැත්තකුත් තියෙනවා. සමහර ඩිරෙක්ටර් මෑන්ස්ලා තමන්ගෙ නිර්මාණවලට අලුත් කට්ටිය දාගන්න වෙනම ප්ලෑන්ස් හදාගෙන තියෙනවලු.
පහුගිය දවසක ඔය වගේ මෑන්ස් කෙනෙක් එයාගෙ ෆිල්ම් එකේ චරිතයක් තියෙනවා කියලා නවක නිළියකට කතා කළාලු.
"හොඳ චරිතයක්. ඔයාට හොඳට ගැළපෙනවා. මම කැමතියි මේ ගැන හෙට හවස වුණත් කතාබහ කරන්න," ඔහු ඇයට දුරකථනයෙන් කිව්වා.
"හා සර්. මම සර්ගෙ ඔෆිස් එකටද ගෙදරටද එන්න ඕනෙ ඒ ගැන කතා කරන්න?"
"පිස්සුද ළමයො ඕවා ගෙවල්වල ඔෆිස්වල කතා කරන දේවල්ද? අපි ඕක නිදහස් තැනකට ගිහිං කෝපි එකක් බොන ගමන් කතා කරමුකො. එහෙම වුණාම තමයි ඔයාට චරිතයට හරියටම ආරෑඩ වෙන්න පුළුවන් වෙන්නෙ. හරි හරි ඔයාව හෙට 7ට දෙහිවල හන්දියෙන් ගන්නම්කො - අපි කතා කරමු."
පොරොන්දු වුණු විදිහට මෑන්ස් කෙල්ලව දෙහිවල හංදියෙන් කාර් එකට දාගෙන ගල්කිස්ස පැත්තට යනවලු. කෙල්ලත් හරි බරි ගැහිලා වාහනේට නැගලා හොඳ කෝපි කඩයක් තියෙනවද කියලා වට පිට බල බල එනවලු. මෑන්ස් කිසිම ගාණක් නැතුව ඉදිරියටම යනවලු.
"අනේ සර් මේ වාද්දුව හරියෙ නේද? අපිට කෝපි කඩයක් අහුවුණේම නැද්ද?"
"අනේ කෙල්ලෙ ඔයා මොකද කලබල වෙලා - කළුතර තියෙනවා හොඳ තැනක්..." ඔහු එහෙම කියද්දි කෙල්ලට මල පැන්නලු.
"සර් මාව යක්‍ෂයා ආරෑඩ කරගන්නවට කැමති නම් මෙහෙන් අඩියක් වාහනේ හොල්ලන්න, නැත්නම් මාව නග්ගපු තැනින්ම බස්සන්න හොඳ හිතින්."
"අයියෝ මොකද මේ ඔයාට විහිලුවක්වත් තේරෙන්නෙ නෑනෙ.."
"විහිලු තියාගන්න පුළුවන් පස්සෙ, දැන් වහාම වාහනේ හරවනවා."
