ඒ ගෙවල් කාටද?
මේක ගෙවල් කතාවක්.. ගෙවල් හදන්න ගිහිල්ලා මැති ඇමැති කස්ටිය හුටපට ඇතිකරගත්ත නිසා රටේ දෙවැනි මහත්තය නගරෙ ගෙවල් එක ඇමැති කෙනකුටත් ගමේ ගෙවල් එක ඇමැති කෙනකුටත් භාර දුන්නලු..
ඒත් පසුගියදාක ගමේ ගෙවල් හදන්න භාරදුන්න ඇමැති සයිස් මහත්තයට නගරෙ ගෙවලුත් ඕනය කියලා කීවලු. උන්නැහේගෙ තර්කය වුණේ වතුවල ගෙවල් එක ඇමැති කෙනකුට දීල... නගරෙ ගෙවල් තවකෙනකුට දීල වෙනත් ඒව තවත් අයට දුන්නම තමන්ට කරන්න වැඩක් නැත කියන කතාවයි.
ඉතින් මේ ගැන එන්න ලොකුම කන්තෝරැවක මීටිමක් තිබුණ ඒක තිබුණෙත් ආණ්ඩුවෙ දෙවැනි මහත්තයගෙ නායකත්වෙන්. "සර් මට මේ ගෙවල් වැඩේ සේරම භාර දෙන්න.. දුකට පත් ඇමැතිතුමා කිව්වා..
"ඒක කරන්න බැහැ මෙගාපොලිස් කියන්නෙ අපි නිර්මාණය කරපු අපේ අලුත් වැඩක්.. ඒක කරන්නෙ මෙගා පොලිස් කට්ටියයි..* ඔයාට මම කිව්වනේ ඔයා ගම බලාගන්න..." මුලසුනෙන් උත්තර ලැබුණ... ඒත් දුකට පත් ඇමැතිතුමාත් ඇරියෙ නැහැ..
"ඒ වුණාට සර් ෙම්ව මගේ ඡන්ද මම ඒ මිනිස්සුන්ටත් සලකන්න එපායැ".. ආයෙමත් එතුමා කිව්වා..
"මගේ ඡන්දෙ කියලා දෙයක් නැහැ ඒව අපේ පක්‍ෂයෙ ඡන්ද ඒක මතක තියා ගෙන වැඩ කළොත් හොඳයි. ඒ නිසා කිව්ව විදියට කරන්න.. කිව්වා මුලසුනේ හිටපු ලොකු මහත්තය රුස්වීම හමාර කළා..
