'පත්තිනි' 05 දා සිට තිරගත වෙයි
මීට වසර 1500කට පෙර දකුණු ඉන්දියාවේ උපත ලැබූකණ්ණගි (පූජා උමාශංකර්), කෝවලන් (උද්දික පේමරත්න)නම් ධනවත් සිටුවරයෙකු සමග විවාහ වී ගෙවන සොඳුරු දිවිය මැදට ආගමනය වන මාධවී (අරුණි රාජපක්ෂ) නම් නෘත්‍යරාජිනිය හා අතර ඇතිවන ත්‍රිකෝණ ප්‍රේමයක් මුල්කරගත් මහාචාර්ය සුනිල් ආරියරත්නයන් තිර රචනය ලියා අධ්‍යක්ෂණය කළ "පත්තිනි" සිංහල සිනමාපටය එළඹෙන මැයි මස 05 වැනිදා සිට ඊ.ඒ.පී මණ්ඩලයේ සිනමා හල්වලදී ප්‍රේක්‍ෂකයා හමුවට පැමි‍ණේ.
බුදු බව පතන පත්තිනි දේවියගේ පුරාවත පාදක කරගනිමින් මහඇදුරු සුනිලුන් විසින් රචනා කරන ලද කතාව හා සංවාද සමග ආචාර්ය රෝහණ වීරසිංහයන් මැවූ ගීත දසුන් සහිතව තිරයට එන මෙම පත්තිනි චිත්‍රපටයේ නන්දා මාලනී, උරේෂා රවිහාරි, අමරසිරි පීරීස්, නිරෝෂා විරාජිනී, කසුන් කල්හාර, දමයන්ති ජයසූරිය හා සමන් ලෙනින්ගේ ගායනයෙන් හැඩවී ඇත.
පූජා, අරුණි, උද්දිකට අමතරව රවින්ද්‍ර රන්දෙණිය, සනත් ගුණතිලක, විනූ සිරිවර්ධන, නීටා ප්‍රනාන්දු, අවන්ති අපෝන්සු, අමා විජේසේකර, සුරංගි කෝසලා, ගාමිණී ජයලත්, සම්පත් තෙන්නකෝන්, රමණි සිරිවර්ධන, විජේරත්න වරකාගොඩ, චිත්‍රා වරකාගොඩ, අනුර බණ්ඩාර රාජගුරු, වසන්ත විට්ටච්චි, මධුෂා රාමසිංහ, දයා අල්විස් ඇතුළු දැවැන්ත නළු නිළි පිරිවරක් සහිත පත්තිනිහි කේශාලංකරණය රුචිර දිනේෂ්ක සතුවන අතර, අංග රචනය සමීර මධු කිඳෙල්පිටියගෙනි. බිමල් දුෂ්මන්ත කලා අධක්‍ෂණයෙන්ද, තිස්ස සුරේන්ද්‍ර සංස්කරණයෙන්ද දායක වන මෙහි කැමරාකරණය චන්න දේශප්‍රිය සතුය. සුමති චිත්‍රපට වෙනුවෙන් ආචාර්ය මිලිනා සුමතිපාල මහත්මිය නිෂ්පාදනය කර ඇතිමෙහි සම නිෂ්පාදකවරුන් වන්නේ ජගත් සුමතිපාල හා තිලංග සුමතිපාල මහත්වරුය. මෙහි විධායක නිෂ්පාදිකා වාගීෂා සුමතිපාලය. නිෂ්පාදන සම්බන්ධීකරණය ඒ.ඩී.රන්ජිත් කුමාරගෙන් වන අතර, නිෂ්පාදන කළමනාකරණය මනෝහාරී හේවාවසම්ගෙනි. පත්තිනි සහාය අධ්‍යක්‍ෂවරයා විමල් දේශප්‍රිය වන අතර, වස්ත්‍රාභරණ වෙනුක වික්‍රමාරච්චිගෙනි. ජාතික චිත්‍රපට සංස්ථා ශබිදාගාරයේ ශෂික රුවන් මාරසිංහ මෙහි නාද සැලසුම් ශිල්පියාය. නිශ්චලඡායාරූප සංදේශ් බණ්ඩාරගෙනි.
පසුගියදා සැවෝයි සිනමාහලේ පැවති පත්තිනි මාධ්‍ය දැක්මේ ඡායාරූප සමග පත්තිනි රූගත කරද්දී ගත් ඡායාරූප මේ සමග පළවේ.
