උදාරිගේ නංගිත් රංගනයට එයිද ?
උසස් අධ්‍යාපනයේ නිරත වන අතරම, වෘත්තියෙන් ගුවන් සේවිකාවක වීමට සූදානම් වන ඇය නමින් ශෙහානි පෙරේරාය. "ප්‍රවේගය" චිත්‍රපටය තුළින් සිනමාවට පිවිසි උදාරි පෙරේරාගේ බාල සොහොයුරියද වන ඇය ඉදිරි කටයුතු පිළිබඳව අප සමග මෙසේ පැවසුවාය.
"මම මේ දවස්වල Cabin Crew පාඨමාලාවක් අවසන් කරලා ඉන්නෙ රැකියාවක් බලාපොරොත්තුවෙන්. ඉතිං ඊට අමතරව මියුසික් වීඩියෝ කිහිපයකම රංගනයෙන් දායක වෙන්න හම්බවෙලා තියෙනවා. අදත් (මාර්තු 22) යශාන් ද සිල්වාගේ රංගනයෙන් දායක වෙන්න මියුසික් වීඩියෝ එකක් තියෙනවා.
මියුසික් වීඩියෝ වගේම දැනට වෙළෙඳ දැන්වීම් සඳහාත් දායක වෙලා තියෙනවා. මේ දවස්වල ටෙලිනාට්‍යයකටත් ආරාධනා ලැබුණා, නමුත් ඒ සඳහා නම් මම තාම කැමතියි කිව්වෙ නැහැ. මම පොඩිකාලෙ ඉඳන්ම වෙළෙඳ දැන්වීම් සඳහා දායක වෙලා තියෙනවා. පසුගියදා කැම්පස් එකක් සඳහා වෙළෙඳ දැන්වීමක් කරා. ඉතිං මේ වැඩකටයුතු ටික තමා කරගෙන යන්නේ."
ඩිලාන් ක්‍රිෂාන්ත / ඡායාරූප - රොමේෂ් ධනුෂ්ක සිල්වා
