මගේ වෘත්තියට බාධාවක් නොවන මගේ කැමත්ත අනුව සියලු දේ බාරගන්නවා
වෘත්තිමය රූපලාවණ්‍ය ශිල්පිනියක් ලෙස තම ජීවිතය ගත කරන ඇය නිරුපණය තම විනෝදාංශයක් ලෙස ජීවිතයට එක් කරගනිමින් මේ වනවිට ප්‍රේක්ෂකයන් අතරට එන සාරවිට සමග එක් වන ඇය සඳු යශෝදරා.
කොහොමද සඳුනි මේ දවස්වල වැඩ කටයුතු?
මේ දවස්වල සැලෝන් එකේ වැඩ කටයුතුත් එක්ක නිරුපණය සඳහා ලැබෙන ආරාධනා භාරගෙන වැඩ කටයුතු කරගෙන යනවා.
නිරූපණයට යොමු වෙන්න හිතුණේ ඇයි?
මම නිරූපණයට ආසයි. ආදරෙයි. ඒනිසාම වෙන්න ඇති මට අවස්ථා ලැබුණා. අවස්ථාවන් ලැබෙන්න ලැබෙන්න මම මේ කේෂ්ත්‍රයට ළංවුණා. ඒ හරහා තමයි මම නිරූපණ ගමන ආරම්භ කළේ.
මේ වෙනකොට Music වීඩියෝ සඳහා අවස්ථා ලැබිලා තියනවද?
ඔව්.
ඔබ සහභාගි වුණ Music Video ගැන කිව්වොත්?
මම මේ වෙනකොට Music Video තුනකට සහභාගි වෙලා තියනවා. ‘පවසනු ප්‍රේමියේ’, ‘පෙර භවයක’, ‘ආදරෙන් පැතූ ඔබේ’ මේ ගීත තුන සඳහා මම දායකවෙලා තියනවා.
සඳුනි මොන වගේ ආරධනාද භාර ගන්නේ?
මගේ වෘත්තීය රූපලාවණ්‍ය ශිල්පය. මම ඒ දේට මූලිකත්වය දීල තමයි අනිත් වැඩ කටයුතුවලට යොමුවෙන්නේ. මගේ වෘත්තියට බාධාවක් නොවන අරාධනා ලැබුණොත් මම ඒක භාර ගන්නවා.
සඳුනිගේ මේ ගමනට උදවු කළ අය කවුද?
මම මේ වෙලාවේ විශේෂයෙන් මතක් කරන්න ඕනේ ෂා විරාජ් අයියව. එයා තමයි මගේ මේ ගමනට ලොකු ශක්තියක් වෙන්නේ. Music Video සඳහා මාව යොමු කළේ ෂා විරාජ් අයියා. ඉතින් මේ වෙලාවේ එයාව විශේෂයෙන් මතක් කරන්න ඕනේ. ඊට පස්සේ චාරුක, දිල්හාර ඒ දෙන්නවත් මේ වෙලාවේ මතක් කරන්න ඕනේ. ඒ වගේම මගේ අම්මා. අම්මා මට ලබාදෙන නිදහස මේ දේවල් සඳහා යොමු වෙන්න අම්මත් මට ගොඩක් උදවු කළා. මේ වෙලාවේ අම්මවත් ගොඩක් ආදරෙන් මතක් කරනවා. ඒ වගේම මගේ නංගිත් ආදරෙන් මතක් කරනවා.
සටහන සහ ඡායාරූප - ඉෂාන් සංජීව
