දක්ෂතාව හා කැපවීම තිබුණොත් ඉදිරියක් තියෙන ක්‍ෂේත්‍රයක්
රූපලාවණ්‍ය ක්ෂේත්රයේ දිගු ගමනක් යන ඇය නිරූපණය හැදෑරීම් කරමින් එක්වන්නීය. නවක නිරූපණ ශිල්පිනියක වන ටීනියා මීනු උදේශිකා වන ඇය ඇගේ නිරූපණ ක්ෂේත්රයේ ආගමනය පිළිබඳ ‘සාරවිට’ සමගින් මෙලෙස පැවසුවාය.
ඔබ කවුද? මොනවද කරන්නේ?
මගේ නම ටීනියා මීනු උදේශිකා. මම Beauty Culture Course එකක් කරනගමන් තමයි Modeling කරන්නේ.
නිරූපණ ක්ෂේත්රයේ ඔබ කැමති පැත්තක් ඇති?
ඔව් මම කැමති Bridalවලට. දැනට ගොඩක්ම නිරූපණ කටයුතුකරලා තියෙන්නෙත් ඒ පැත්තෙන්ම තමයි.
නිරූපණ ක්ෂේත්‍රයට එන්නේ කුමන කාලයේදීද?
දැනට මාස 05කට 06කට විතර කලින් තමයි මම ක්ෂේත්‍රයට එන්නේ.
ඔබට මේ ක්ෂේත්‍රය තෝරගන්න හිතුණේ?
ඒක මගේ හිතේ තිබුණ ආසාවක්. ඒක අදවෙද්දී ගොඩක් දුරට සැබෑවෙලා තියෙනවා.
මේ සඳහා පවුල් පසුබිමෙන් ලැබෙන සහයෝගය කොහොමද?
මට මීට පෙරත් ආරාධනා ගොඩක් අවස්ථා ලැබුණා. නමුත් ඒ සඳහා ගෙදරින් කැමැත්තක් ලැබුණේ නැහැ. පසුව එයාලත් තේරුම් අරගෙන මට අවසර දීලා තියෙනවා. ක්ෂේත්රයේ නියැළෙන්න. දැන් එහෙම ලොකු ප්‍රශ්නයක් නැහැ. දැන් මට ගෙදර අයගෙන් උදවු ලැබෙනවා.
ගොඩක් අය චෝදනා කරනවා ලංකාවේ නිරූපණ ක්ෂේත්‍රයට නවකයන් නිසා හානියක් සිදුවෙනවා කියලා. ඔබ මේ සඳහා දක්වන අදහස?
මෙහෙමයි. දක්ෂ නැතිකෙනෙක් ඉන්නවානම්, ඒ දේවල්වලට සුදුසු නැති කෙනෙක් ඉන්නවානම් එයාට ලොකු දුර ගමනක් යන්න බැහැ. එයාලා මගින් නවතිනවා. එයාලා ආසාවත් එක්ක කරන දේට මොකුත් කියන්න හොඳ නෑ. දක්ෂතාව, වාසනාව තියේනම් එයාලා ඉදිරියට යයි. එහෙම වෙනව දකින්න කවුරුත් ආසයි. එයාලටත් ඒ අයිතිවාසිකම තියෙන්න ඕනෙ කියන එක තමයි මගේ අදහස.
රංගනය සඳහා යොමුවීමට කැමැත්තක් නැද්ද?
ආසාවක් තියෙනවා. දැනටමත් ආරාධනා කීපයක් ලැබිලා තියෙනවා. ඉදිරියේදී ඒවාට සම්බන්ධවෙන්න හිතාගෙන ඉන්නවා.
යම් දෙයක් කරන්නනම් ඒ දේ සඳහා පුංචි හෝ දැනුමක් තිබිය යුතුයි. ඔබ රංගනය පිළිබඳ හැදෑරීමක් කරලා තියෙනවද?
මම එහෙම හැදෑරීමක් නම් කරලා නැහැ. නමුත් මම ඒ වැඩකටයුතු පටන්ගැනීමට කලින් රංගන පිළිබඳ වැඩිදුරටත් හැදෑරීමට බලාපොරොත්තුවෙන් ඉන්නේ.
නිරූපණ ක්ෂේත්රයේ ඔබටත් සීමා මායිම් තියෙනවාද?
ඔව් අනිවාර්යයෙන්ම. මට යම්කිසි සීමාවක් තියෙනවා. මගේ සීමාවෙන් පිට මම වැඩකටයුතු භාරගන්නේ නැහැ.
ඔබේ ඉදිරි බලාපොරොත්තු මොනවාද?
ක්ෂේත්රයේ හොඳ නමක් තියාන ලොකු ගමනක් යන්න ආසාවෙන් ඉන්නේ. මම හිතනවා මගේ බලාපොරොත්තුව ඉෂ්ටවෙයි කියලා.
ඔබ රූපලාවණ්‍ය ක්ෂේත්‍රය ගැන හදාරනවා කිව්වා. ඒ ගැන කිව්වොත්?
මම රූපලාවණ්‍ය ගැනනම් ගොඩක් දුරට හදාරලා තියෙනවා. ගොඩක් පාඨමාලා කරලා තියෙනවා. සැලෝන් එකක් දාන අදහසින් මේ දිනවල ඒ පිළිබඳ හදාරමින් ඉන්නවා.
විලාසිතා දැක්මක් සඳහා දායක වෙන්න ආසාවක් නැද්ද?
ඒ සඳහා ලොකු ආසාවක් තියෙනවා.
මතක් කළ යුතු පිරිසක් ඉන්නවාද?
මගේ අම්මා, තාත්තා ඇතුළු පවුලේ සැමත්, ඉසුරු අයියා, නලින් අයියා මේ වෙලාවේ මතක් කරනවා. මම අද තැනක ඉන්නවානම් ඒ ඒ අය හින්දා තමයි.
ඩිලාන් ක්‍රිෂාන්ත / ඡායාරූප - දිෂ්ණ ධර්මරත්න
Hair and Makeup - Kalpani Elvigala
