තරුණියගේ හොඳට නරකට දෙකටම Fashion බලපානවා
දෙරණ මිස් ශ්‍රී ලංකා 2015 තරගයේදී සිය නිරූපණ හැකියාවන් දියුණු කරගනිමින් සිටින ඇය, කලා විශ්වවිද්‍යාලයේ නර්තනය පිළිබඳව උපාධියක් හදාරමින් සිටින්නීය. තමන්ට ලැබෙන විවේකයේදී නිරූපණ කටයුතු කරන ඇය, නිලූෂි පවන්‍යාය. ඇගේ ඉදිරි කලාකටයුතු පිළිබඳව %සාරවිට^ සමගින් මෙලෙස දොඩමළු වූවාය.
ඔයාගේ පෞද්ගලික තොරතුරු ගැන සඳහන් කළොත්?
මගේ ගෙවල් හලාවත. දැන් ඉන්නේ පිළියන්දල කලා විශ්වවිද්‍යාලයේ නර්තනය පිළිබඳව තාම ඉගෙන ගැනීම් කටයුතු කරනවා. ඊට අමතරව නිරූපණයත් කරනවා. 2015 Derana Miss Sri Lanka for Earth තරගයට ගියා. ඒකේ අන්තිම දොළහ සඳහා පෙනී සිටීම අවස්ථාව උදාවුණා. ඒකේ මිනි පැජන්ට් එකක් දිනා ගැනීමට අවස්ථාවක් උදාවුණා.
නිරූපණයට එකතු වුණේ කොයිකාලයේද?
ගිය අවුරුද්දේ. දෙරණ පැජන්ට් එකට කලින් 2009 වර්ෂයේ සිරිකත අයි පබා කුමරිය වුණා. 2010 අයි.ටී.එන් අවුරුදු කුමරිය තුන්වැනි ස්ථානය හිමිකර ගත්තා. 2011 වර්ෂයේ මිස් සෙලින්කෝ වී.අයි.පී එකේ වයඹ පළාතේ දෙවැනි ස්ථානයද, ඊට පස්සෙ අවසන් තරගයේ දොළොස් දෙනා අතරටද ආවා. 2015 දෙරණ මිස් ශ්‍රී ලංකා තමයි මගේ අවසාන පැජන්ට් එක වුණේ. මම මොඩලින් කරන්න පටන් අරන් අවුරුද්දක් වෙනවා. අනික් සේරම පැජන්ට්වලට දායක වුණා විතරයි. ලොකු අත්දැකීමක් තිබුණේ නැහැ.
ඉගෙන ගැනීමේ කටයුතුවලින් ඉදිරියට යනවාද?
එහෙමත් නැති නම් නිරූපණය වෘත්තීය විදිහට කරන්න හිතනවාද? මම නිරූපණය කරන්නෙ ඉගෙන ගන්න ගමන්නේ. මම මොඩලින් කරන්න ආසයි. මම ඉගෙන ගෙන නෙමෙයි නිරූපණය කරන්න ගත්තේ. ඉතිං මම නිරූපණය ගැන ඉගෙන ගන්න බ්‍රයන්ගෙන් පටන් අරන්, නැවතුණේ නිලූ අක්කි ගාවයි. ඉතිං ඉස්සරහට ලොකු වෙනසක් කරන්න බලාගෙන ඉන්නවා.
එතකොට වෘත්තීය වෙන්නේ මොකක්ද?
නිරූපණය කරන්නේ වෘත්තීයක් විදිහට නෙමෙයි. මම ඉගෙන ගන්න ගමන් ආසාවට කරන දෙයක්. හම්බ කරන්න බලාගෙන නිරූපණය කරන්නේ නැහැ.
කුඩා කාලයේ කාගෙත් සිහින රැකියාවක් තියෙනවා නේද?
ඔව්, පොඩි කාලේ ආස වුණේ ගුරුවරියක් වෙන්නයි. මම කවදාකවත් හිතුවෙ නැහැ නිරූපිකාවක් වෙයි කියලා. ඒදේ වෙනස් වුණා.
නිරූපිකාවක් වුණාම විලාසිතාවන්, පෙනුම ගැන වැඩි අවධානයක් යොමු කරන්න වෙනවා නේද?
ඔව්, ෆැෂන් කියනදේ ට්‍රෙන්ඩ් එකක්. ඒක කාලෙන් කාලෙට වෙනස් වෙනවා. හැමදාම එක විදිහට තියෙන්නෙ නැහැ. තරුණියකට නරකට හෝ හොඳට බලපාන දෙයක් තමයි ෆැෂන් කියන දේ. ඊට අමතරව එයා කතාකරන විදිහ පිළිබඳව හැසිරෙන විදිහ ගැන වැඩිපුර හිතන්න වෙනවා. විශේෂයෙන්ම නිරූපිකාවක් වුණාම එයා භාවිත කරන දේවල් ගැන පවා බොහෝ දෙනා අවධානයෙන් ඉන්නවා. ඒ නිසා හැමදේම තැනට අනුව කරන්න.
ලංකාවේ තිබෙන සංස්කෘතිය කියන රාමුව තුළ නිරූපිකාවක් ලෙස කටයුතු කරන එක පහසුද?
ඒක පහසු කාර්යයක් නෙමෙයි. ලංකාව තුළ නිරූපණය කරන්න අමාරුයි. ජාත්‍යන්තර මට්ටමේ නිරූපිකාවක් කිව්වාම ඒ අයට විශේෂ තැනක් තියෙනවා. ඒ අයට තමන්ගේ රටේ අය ගරු කරනවා සහ ඒ අයට තැනක් ලැබෙනවා. ලංකාවේ නිරූපිකාවක් කිව්වා තුන්වැනි තත්ත්වය දාලයි කතා කරන්නේ. ඒ නිසා ඇඳුම් පිළිබඳ සහ හැසිරීම් පිළිබඳව අපේ සංස්කෘතිය ඇතුළෙ බොහෝ විට හිතන්න වෙනවා. නිරූපණය කරන අයට සංස්කෘතිය සහ මිනිස්සුන්ගේ සිතුවිලි මගින් යම්කිසි බාධාවක් වෙනවා.
Dilan Chryshantha / Pix - Kaveeth Milindha
