හිරේ යන්න කලින් රංජන් රඟපෑ The Game චිත්‍රපටය මැයි 20දා සිට තිරගත වෙයි
ජනප්‍රිය චිත්‍රපට අධ්‍යක්ෂ සුරංග ද අල්විස් විසින් අධ්‍යක්ෂණය කළ නවතම චිත්‍රපටය වන The Game චිත්‍රපටය පිළිබඳව පසුගිය කාලය පුරාවටම සිනමා ලෝලීන්ට කුතුහළයක් තිබුණා. ඒ The Game චිත්‍රපටය කවදාද තිරගත වෙන්නේ කියන බලාපොරොත්තුවෙන්. සිනමාවේ සුපර් ස්ටාර් රංජන් රාමනායක රංගනයෙන් දායක වුණු The Game චිත්‍රපටය පිළිබඳව ඔහු සිරගත වුණු කාලය පුරාවටම කතාබහට ලක්වුණා.
නමුත් තවමත් රංජන් රාමනායකට නිදහස නම් හිමි වී නැහැ. කෙසේවෙතත් රංජන් සිරගත වීමට පෙර රඟපෑ මෙම චිත්‍රපටය එළඹෙන මැයි මස 20දා සිට දිවයින පුරා සිනමා ශාලා 50කට වැඩි ප්‍රමාණයක තිරගත කිරීම් ඇරඹීමට එහි නිෂ්පාදකයෝ කටයුතු කර තිබෙනවා. රංජන් රාමනායක, තරින්දි ප්‍රනාන්දු, ජනිත් වික්‍රමගේ, බුද්ධික ජයරත්න, ශ්‍රියන්ත මෙන්ඩිස්, දුලාෂි නිම්නාදි, ගීතිකා රාජපක්ෂ, චතූ රාජපක්ෂ, සැන්ඩෝ හැරිස් ඇතුළු රංගන ශිල්පීන් රැසක් The Game චිත්‍රපටය සඳහා රංගනයෙන් දායක වනවා. සරත් ද අල්විස්ගේ සංගීතයෙන් හැඩවී තිබෙන The Game චිත්‍රපටය ‘සංගීතා චිත්‍රපට’ හා ‘A4 චිත්‍රපට’ ඉදිරිපත් කිරීමක්.
