ලංකාවේ ජනප්‍රිය ගීත එක්ක හරි හරියට ඔට්ටු වෙන ටික් ටොක් තරුව
කිලි පෝල් කියන්නේ ලොවක් හඳුනා ගත් ටික් ටොක් තරුවක්. ටැන්සානියාවේ ජීවත් වෙන මේ තරුණයා මුලින්ම ජනප්‍රිය වන්නේ ජනප්‍රිය බොලිවුඩ් ගීත අනුකරණය කරමින් ගායනා කළ ටික් ටොක් නිසා. ඒ ලැබුණ ජනප්‍රියත්වයෙන් මුලු ලෝකයම වසඟයට ගන්නට ඔහු සමත් වුණා. ඒ ලැබුන ජනප්‍රියත්වය හමුවේ ජනප්‍රිය බොලිවුඩ් තරු මෙන්ම ඉන්දියානු අගමැතිවරයා පවා ඔහුට සුබ පතා තිබුණා.
ඔහුගේ ටික් ටොක් පාර්ට්නර් බවට පත් වුණේ ඔහුගේ නැගණිය. මේ දිනවල කිලී ජනප්‍රියත්වයට පත් වී තිබෙන්නේ ශ්‍රී ලංකාවේ ජනප්‍රියතම ගීත සමගින් ටික් ටොක් කිරීම නිසා. චාමර වීරසිංහ,කාංචනා අනුරාධි, සුපුන් පෙරේරා සහ රුවන් හෙට්ටිආරච්චි වැනි ගායක ගායිකාවන්ගේ ජනප්‍රිය ගීත රාශියක් ඔහු මෙලෙස ටික් ටොක් කිරීම සඳහා භාවිතා කර තිබෙනවා. මිලියන 5.7ක අනුගාමිකයින් පිරිසක් ඔහුගේ ටික් ටොක් ගිණුම සතුයි.
YOU MAY ALSO LIKE
