ලෝකයක් ආදරය කරන දැවැන්තයෙක් එක්ක, අපේ පුංචි කෙල්ල යොහානි
මැණිකේ මගේ හිතේ !! මතකද ගෙවුණු කාලයේ තිස්සෙම ඇහුණු ඒ වචන ටික. අපේ රටේ විතරක් නෙවෙයි, ලෝකය පුරාම ඇහෙන්න ගත්තා පුංචි කෙල්ලෙක්ගෙ ලස්සන සිංහල හඬක්. සංගීතය කියන්නෙ විශ්ව භාෂාවක්නෙ. ඉතින් අපි සංගීතය වැළඳ ගන්නෙම අන්න ඒ විශ්ව භාෂාවේ තියෙන ලස්සන නිසයි. අපේ මැණිකේ මුළු ලෝකය පුරාම ගියෙත් එහෙමයි. වැඩියෙන්ම ඉන්දියාවේ. අදටත් ඇයට වැඩියෙන්ම ප්‍රතිචාර ලැබෙන්නේ ඉන්දීය රසික පිරිසගෙන් බව අවිවාදාත්මකයි. යොහානි !!
ඔව්... අපි මේ කිව්වෙ ඇය ගැනයි. ඇගේ හඬ ගැනයි. ඇය ලෝකයට අරන් ගිය අපේ ගීතය ගැනයි. ඉතින් දැන් ඇය අපිට විතරක් අයිති තරුවක් නොවන බව ඔබ දන්නවනෙ. ඈ දැන් ලෝකයක් ආදරය කරන තරුවක්. අලුත් හැම දවසක්ම විශේෂ වන ඈට ඊයේ දවස සුවිශේෂී දවසක් වුණා. මොකද ඇය ලෝකයක ආදරය දිනූ දැවැන්තයෙක් එක්ක එකම වේදිකාවක ගීතවත් වුණා..
ඔහු වෙනින් කවුරුත් නෙවෙයි, Udit Narayan !! Padma Bhushan Udit Narayan Live In Grand Musical Concert එකේ තමයි අපේ පුංචි කෙල්ල මේ විදියට ඔහු සමඟ ගීතවත් වුණේ. ඒ Sydneyහිදීයි. මොන තරම් නම් භාග්‍යයක්ද. ඇයි රටක් විදියට අපිට දැනෙන ආඩම්බරය.
"අද රාත්‍රියේ ඔබ සමඟ වේදිකාව බෙදාගැනීමට ලැබීම පරම ගෞරවයකි....." යනුවෙන් යොහානි මේ හමුව ගැන සිය ෆේස්බුක් ගිණුමට සටහනක් ද එකතු කර තිබුණා.
