රටේ තත්ත්වය ගැන ත්‍රිකලා ආවේගයෙන් තැබූ සටහන
2017 වසරේ දී විශ්ව විවාහක රූ රැජින වූයේ ඇයයි. ත්‍රිකලා මිලදී ගත් සුපිරි රේන්ජ් රෝවර් රථය නිසා ඇය බොහෝ දෙනා අතර කතාබහට ලක් වුණා. ඒ වගේම ඇය මුහුණු පොතේ ඉතාමත් ජනප්‍රිය චරිතයක් බවට පත්වුණා. රටේ වත්මන් තත්වය ගැන බොහෝදෙනා තම අදහස ප්‍රකාශයට පත්කරලා තියෙනවා. ඒ අතර හමුවුණු සටහන් අතර ත්‍රිකලා තැබූ සටහනකුත් අපිට හමුවුණා.
මේ ඇය එහි තබා තිබූ සටහන...
පාලකයා රට පාලනය කරනවා. අපි ඒ ඕනාම විදියකට පාලනය වෙනවා. සිංහලෙන් කීවොත් ලොක්කා ගහන ගහන බෙර පදයට අපි නටනවා. මෙච්චර කාලයකට වුනේ ඒ දේ.හැබැයි දැන් සිස්ටම් එක වෙනස් වෙමින් පවතිනවා ! අපි රාමුවෙන් එලියට ටික ටික එමින් පවතිනවා මම කිසිම දවසක දේශපාලනීකරණය වන චරිතයක් නොවෙයි. මට තියෙන්නේ එක පක්ශයයි ,ඒ මහජනතාවගේ පක්ශය !
225න් එක්කෙනෙක්වත් මට නම් ලොකු නෑ. මොකද එයාලා ඉගනගෙන ,ඩිග්‍රී ගහලා, දුක් මහන්සියෙන් සල්ලි හම්බකරනවා නෙවෙයි නේ. . අපි මැරීගෙන හම්බකරන තුට්ටු දෙකට බදු ගහලා ඊට අමතරව හොරා කාලා V8 වල යනවා. එනිසා එක්කෙනෙක්ටවත් මගෙ රෙස්පෙක්ට් එකකුත් නෑ, කඩේ යන්නෙත් නෑ, දේවල් ඉල්ලලා පස්සෙන් ගිහිනුත් නෑ!!! එනිසා කාටවත් ණයත් නෑ, බයත් නෑ පොඩ්ඩක්වත්.
(225 න් කීපදෙනෙක් පෝස්ට් එක දකින බවත් දන්නවා ) කවදාවත් චන්ද කාලෙට මම ලංකාවේ ඉදපු නැති නිසා චන්දනාමලේකනයේ නම වත් සදහන් වෙලා නෑ.ඒ ගැන පුදුම සතුටක් මට අද දැනෙනවා !! මම නිසා මගේ මිනිස්සු දුක් විදින්නේ නෑ කියන සිතුවිල්ල ආවම
කරන්ට් එක නෑ. කිරි දරුවෝ රෑට හූ තියලා අඩනවා. ඉස්කෝලේ යන්න බෑ ලමයින්ට අඩ නින්දෙන් පාඩම් කරන්න විදියක් නෑ හැබැයි 225 ඉන්න මාලිගා අවට කිසිම විදුලි කප්පාදුවක් නෑ.එයාලගෙ ළමයින්ට විතරද බඩගින්න රස්නේ දැනෙන්නේ????
ඔව්, රටේ බලශක්ති ප්‍රශ්නයක් තියනවා, එහෙනම් නීතිය හැමෝටම එකක් වෙන්න ඕනා මිනිස්සු පෝලිම්වලටම දවස නාස්ති කරගන්නවා. හැමදේම ගිනි ගනන්. මිනිස්සුන්ට වේල් තූනක් කන්න බෑ.. තෙල් ප්‍රශ්න නිසා බස් අඩුයි ටැක්සිත් ගනන් ! ඩොලර් එක උඩ ගිහින් ,රුපියල අතපිහින කොලකෑල්ලක් වෙලා ! පුදුම ආතතියකින් මිනිස්සු ඉන්නේ.
කියන්න ආවේ මෙච්චරයි , අපිට නැතත් අපේ දරුවන්ට හරි ඉන්න පුලුවන් තැනක් හදලා යමු ! මමත් මේ වෙලාවෙ ඔයාල එක්ක ඉන්නවා. හමුවෙමු !
