මම ගොඩක් සතුටු වෙනවා ප්‍රථම වතාවට ජාත්‍යන්තර චිත්‍රපටයක ප්‍රධාන චරිතයක් රඟපාන්න අවස්ථාව ලැබීම ගැන
සාගරය කැළඹිණ සිනමාපටය බලපු හැමෝටම මේ චරිතය නම් අමතක වෙන්න විදිහක් නැහැ. ඒ වගේම මේ දිනවල තිරගත වන "කදිරජ දිව්‍ය රාජ" සිනමාපටයෙත් ඇය රංගනයෙන් දායක වෙනවා. ඇය නමින් හරිනි කව්‍යාන්ජලී.ඇය මේ දිනවල ඇයගේ ප්‍රථම ජාත්‍යන්තර සිනමාපටයේ රූගත කිරීම වෙනුවෙන් එකතු වෙලා. රුසියානු සිනමාපටයක් වන මෙහි රූගත කිරීම් මේ දිනවල ශ්‍රී ලංකාවේදී සිදු කෙරෙනවා.
ඇය මෙම සිනමාපටයේ ගෝත්‍රිකයක නායකයකුගේ දියණියක ලෙසයි සිය රංගන දායකත්වය ලබා දෙන්නේ. මේ ඇය ඒ සම්බන්ධව තබා තිබූ සටහන.
මම ගොඩක් සතුටු වෙනවා ප්‍රථම වතාවට ජාත්‍යන්තර චිත්‍රපටයක ප්‍රධාන චරිතයක් රඟපාන්න අවස්ථාව ලැබීම ගැන. මම ප්‍රධාන චරිතයක් වන ගෝත්‍රික නායකයාගේ දියණියගේ චරිතය නිරූපණය කරනවා. මට සහයෝගය දුන් සැමට ස්තූති කිරීමට මෙය අවස්ථාවක් කර ගන්නවා. මේ අතරම ඇයව මෙම සිනමාපටයට සම්බන්ධ කර ගැනීමට උපකාර කල සියළු දෙනාටම ස්තූති කරන්නටද අමතක කරලා තිබුනේ නැහැ.
