පියුමි බොතේජුට තවත් කරදරයක් - සීසීටීවී වීඩියෝ එකකුත් ෆේස්බුක් දාලා
පුංචි තිරයෙන් ප්‍රේක්ෂක ඔබට සමීප වෙන පියුමි බොතේජු ව අමුතුවෙන් හඳුන්වා දෙන්න වුවමනා නැහැනේ. විශේෂයෙන්ම හාස්‍ය රංගන ශිල්පිනියක් විදිහටත් ඇය සුවිශේෂී දක්ෂතා දක්වන කෙනෙක්. වේදිකාවක්, පුංචි තිරයත්, ඒ වගේම රිදී තිරයත් බොහෝම හුරුපුරුදු පියුමිට පසුගිය දවසක බොහෝම කණගාටුදායක දේකට මූණ දෙන්න සිදුවුණා. ඒ ඇගේ පියා හදිසියේ ම අසනීප වුණු නිසා. ඒ වෙනුවෙන් ඇය විවිධ පිංකම් එහෙමත් කළා ඔබට මතක ඇති.
මේ අතරතුර පියුමි මීට පැය කිහිපයකට කලින් සමාජ මාධ්‍ය ගිණුමට නවතම සටහනක් එක් කර තිබුණා. ඒ ඇගේ වාහනයේ පැති කණ්ණාඩිය අස්ථානගත වීමක් ගැන කියමිනුයි. ඇය මෙම සටහන සමඟින් වීඩියෝවක් ද සමාජ මාධ්‍ය තුළ පළ කර තිබුණා.
"ඊයේ හවස රාජගිරිය මැද වැලිකඩ පාරේ නවත්තල තිබුන මගේ වාහනයේ පැති කණ්ණාඩි කාලකණ්ණියෙක් ගලවගන ගිහින්. බලන්න කොච්චර පොඩි වෙලාවක්ද යන්නේ කියලා. මුන්ට වාහනයක් පේන්න බෑ දැන් කාලේ වාහනවල බඩු හොයාගන්නත් නෑ. ඔක්කෝම කරදර එක පිට ඔයාලත් පාරක් අයිනේ වාහනයක් නවත්තන්න කලින් දෙපාරක් හිතන්න"
