නිරුවත් ෆිල්ම් එකක රඟපාන එක මට ප්‍රශ්නයක් වුණේ නෑ
"හුස්ම" කියන ආන්දෝලනාත්මක චිත්‍රපටයේ නිරුවත් චරිතයක් රඟපෑ චමත්කා ලක්මිණි ඉතා කෙටි කාලයකින් කා අතරත් කතාබහට ලක්වූ රංගන ශිල්පිනියක් වුණා. ඇය ගැන ගොඩක් දෙනෙක් අදටත් දන්නෙ, "ගිනියම් රෑ" මියුසික් වීඩියෝ පටය නිසයි. "හුස්ම" බොහෝ දෙනාගේ පැසසුමට ද ලක්වූ සිනමා නිර්මාණයක්. චමත්කා ඇගේ නිරුවත් රංගනයන් ගැන පසුගිය දා වැඩසටහනකට එක්වෙමින් අදහස් දක්වා තිබුණා.
"මම මුලින්ම සිකුරුලියා කළේ. පස්සෙ ගිනියම් රෑ.. ඒකෙන් පස්සෙ කට්ටියම හෙව්වෙ. ඒකට ලැබුණු කමෙන්ට් දැක්කම අවුල් යනවනේ. ටිකක් හිත රිදුණා ඉතින්. මම දන්නවා එහෙම ෆීඩ් බෑක් එකක් මට එනවා කියලත්.. මගේ ළඟම යාලුවෝ ඒක රිජෙට් කරද්දි අවුල් ගියා. විශේෂයෙන්ම යාලුවෝන්ගේ බෝයිෆ්‍රෙන්ඩ්ලා..."
"හැබැයි මගේ අම්මා මට මුකුත් කිව්වෙ නෑ. ඒක හින්දා හිත රිද්ද ගත්තෙ නෑ. මගෙ නිර්මාණ සම්බන්ධයෙන් එයා අවබෝධයක ඉනවා. අම්මගේ ෆැමිලි එක අවුල් වුණෙත් මේ ෆීල්ඩ් එක නිසා. නමුත් මම හොඳ පවුල් ජීවිතයක් ගත කරන නිසා අම්මා සතුටු වෙනවා..."
"නිරුවත් ෆිල්ම් එකක රඟපාන එක මට ප්‍රශ්නයක් වුණේ නෑ. මට ඇත්තටම මිනිස්සු කියන ඒවට වඩා අම්මා මේකට කැමති කරගන්නෙ කොමද කියන එක ඔලුවට ආවේ... ආගිව් කරල අන්තිමට එයා මාව විශ්වාස කරන තැනට ආවා.."
