අවුරුදු දහ තුනක් ඇන්ජි වෙනුවෙන් බලා සිටි අපූරු තරුණිය
මේ දිනවල ශ්‍රී ලංකා - පකිස්ථාන ටෙස්ට් ක්‍රිකට් තරඟාවලිය ගාල්ලේහීදී පැවැත්වෙනවා. එය නැරඹීමට විශාල පිරිසක් එක් වී සිටිනවා. ඉතින් සුපිරි ක්‍රිකට් ක්‍රීඩක ඇන්ජෙලෝ මැතිව්ස්ද මෙම ටෙස්ට් තරගාවලියේ ක්‍රීඩා කරනවා. මෙම ටෙස්ට් තරගය ඇන්ජිගේ සියවෙනි ටෙස්ට් තරගය වනවා. මේ තරගය නැරඹීමට පැමිණි තරුණියක් සිය ෆේස්බුක් ගිණුමේ තැබූ සටහනක් නිසා ක්‍රිකට් ලෝකයම කැළඹී තිබෙනවා. රන්දි සමරවික්‍රම නම් මෙම තරුණිය ඇන්ජිගේ ලොකුම රසිකාවියක්. ඇය ඇන්ජෙලෝ මැතිව්ස් සමග ඡයාරූපයක් ගැනීමට වසර දහතුනක් බලාසිටි තරුණියක්.
එම සටහන පහතින්..
"ආදරණීය ඇන්ජි!
මම ඔයාව ඉස්සෙල්ලම දකින්නේ 2008 දී zimbabwe එක්ක තිබුන match එකේදි! එදා ඉදන් අද වෙනකන් මගේ ලෝකයේ මම කැමතිම එකම cricketer ඔයා විතරමයි..හරියටම බැලුවොත් අවුරුදු 13ක්..
එසේ මෙසේ කාලයක් නෙවෙයි..ඔයාගේ හැම match එකක්ම මම බැලුවා..ඔයා ඇරෙන්න මගේ ලග ඉන්න හැමෝම දන්නවා මගේ ජීවිතේදී mathews කියන්නේ කොච්චර වැදගත් කෙනෙක්ද කියන එක..
ඉතිං මම matches වලදි කොච්චර try කරත් ඒ කිසිම දවසක මට ඔයාගේ sign එකක්වත් ගන්න බැරි උනා...හැබැයි මම ඉවසුවා මොකද අනිවම දවසක් මට එයි කියන හැගීමත් එක්ක..
ඉතිං මට ඔයාගේ 1st test match එකට එන්න බැරි උනා..එතකොට මම අවුරුදු 12 පොඩි කෙල්ලෙක් නිසා...හැබැයි මම ඔයාගේ 100th test match එක බලන්න 24 උදේ පාන්දරම නුවර ඉදන් කෝච්චියේ ගාලු ආවා..අපේ තාත්තා මට බැන්නා..කොල්ලෙක් වගේ ඔහොම තනියම යනවද කියලා..ඒත් මම කොහොම හරි එයාව shape කරගත්තා..අපේ අම්මා කොහොමත් හරිම cool..එයා එක දෙයයි කිව්වේ 'ඔයාට හිතුනොත් දෙයක් ඔයා කරනවාමනේ අක්කී..මම ඒ නිසා ඒක නවත්තන්නේ නෑ..හැබැයි පරිස්සමෙන්'
ඒත් තෙල් නැති නිසා උදේ 5ට තිබුන කෝච්චියට යන්න විදිහක් නැතුව ඉද්දී යාලුවෙක් මාව bike එකේ අරන් යන්න කැමති උනා..එයා කෙලින්ම කිව්වේ ' හා මම දන්නවනේ ඔයාට ඔය තියෙන anji පිස්සුව..ඒ නිසා යමු..මම ගිහිං දාන්නම්..කොහොම හරි photo එකක් අරන් එන්න' කියලා..ඉතිං ඒ මගේ යාලුවට පිං..
ජීවිතේට මම ගාල්ලේ ගිහිං තිබුනේ නෑ..පැය හයකට පස්සේ මම ගාලු ආවා..ඇවිත් match එක බැලුවත් මට poster එකක් ගේන්නවත් එතන security එකෙන් ඉඩ දුන්නේ නෑ..ඉතිං පලවෙනි දවසේ මට ඔයා එක්ක photo එකක් ගන්න chance එකක් ලැබුනේ නෑ...
හැබැයි මම නිකන් හිටියේ නෑ..ආපු එකේ කොහොමම හරි ගන්නවාමයි කියලා හිතලා මම අදත් ආවා..ගාල්ලේ ජීවිතේට ගිහින් නැති මට ගෙදර නවතින්න දීලා මේ පිස්සුවට උදව් කරපු හිරු අක්කි..'අවුලක් නෑ අනේ ඔයා මෙහේ නවතින්න..ඔයාට හෙට අනිවම photo එකක් ගන්න පුලුවන් වෙයි'එහෙම තමා එයා කිව්වේ. ඉතිං මම මගේ හොදම යාලුවෙක්ට කියලා අඩලා අඩලා vip ticket එකක් අරන් ආවේ එතකොටවත් ඔයාව හම්බවෙන්න පුලුවන් කියලා හිතාගෙන..
මගේ වාසනාවට ඔයා fielding හිටියේ ඒ හරියේ..ඉතිං මම AC pavilion එකේ ඉන්නේ නැතුව එලියට ඇවිත් ඔයාව video කර කර හිටියා..ඔයා මට එක පාරක් අත වැනුවා..ඒ වෙලාවේ මට කෑ ගැහුනා..ඊට පස්සේ මට කොහොම හරි poster එකක් ලියන්නම ඕනි උනා..මම දස අතේ ඇවිදලා එතන හිටපු securitieslata කියලා කියලා කොහොම හරි A4 sheet එකක් ඉල්ලගත්තා..ඉල්ලගෙන එතන හිටපු මල්ලි කෙනෙක්ගෙන් black pen එකක් අරන් poster එක හැදුවා..රතු පාටින් ලිව්වේ මගේ matt lipstick එකට පිං සිද්ද වෙන්න..
ඉතිං poster එක අල්ලන් ඉද්දී ආපහු securitieslage ලොක්කෙක් ඇවිත් මට බැන්නා..ඔහොම අල්ලන් ඉන්න එපා ඇතුලට යන්න..posters ගේන්න බෑනේ..යන්න ඇතුලට කියලා..ඒත් මම යන්නේ නැතුව බැනුම් අහගෙන ඒක අල්ලගෙනම හිටියා..
මගේ වාසනාවට එතෙන්ට කොල්ලෝ දෙන්නෙක් ඇවිත් කෑගැහුව photo එකක් ඕනි කියලා..අන්න එතකොට තමා ඔයා මගේ poster එක දැක්කේ..
කොහොමහරි ඔයා ආවා අපි ලගටම..මම වෙව්ල වෙව්ල හිටියේ...ඇත්තටම මට phone එක අල්ලගන්නවත් බැරි උනා..
දෙයියනේ ඔයා මගේ ලගටම ඇවිත්..
'What do you want?' හහ් ඔයා මගෙන් අහපු පලවෙනි දේ...i was confused and shocked මම වෙව්ලන අතෙන් පෑන දීලා කිව්වා autograph කියලා..ඉතිං ඔයා මට autograph එක දුන්නා..
මම ඒක අරන් අඩි කීපයක් පස්සට ඇවිත් මට Ground එකේ බිම දණගැස්සුනා..දෙයියනේ 'I MADE IT මම හොදටම ඇඩුවා..මම දන්නෙවත් නැති එතන හිටපු කොල්ලෝ කිව්වා අඩන්න එපා ඔයාට මොකක්ද ඕනි කියලා..මම ඇඩුවේ දුකට නෙවෙයි..සතුටට..
ඊට පස්සේ එතන හිටපු boy කෙනෙක් කිව්වා 'mathews ආය එයි..එතකොට අපි photo එකක් ගමු..make sure to on ur camera'
ඉතිං කිව්වත් වගේ ඔයා ආය ආවා..මං පිස්සෙක් වගේ ආය දුවලා ආවා..මිනිස්සු මාව තල්ලු කරද්දී ground එකේ අය ඔයාට යන්න යන්න කියලා කියද්දී මගේ clumsy ගතිය දැක දැකත් ඔයා මම photo එක ගද්දී ඉවසලා හිටියා..
දැන් ඉතිං අනේ මට මැරුනත් සැපයි මම..ඒ තරම් සතුටුයි මට..
ඔයාගේ injury එක සනීප කරන්න කියලා හිතාගෙන physio කෙනෙක් උන මට,මගේ මුලු ජීවිතේම ඔයා නිසා ලස්සනට වෙනස් උනාට ඔයාගෙන් මේ ලැබුන තෑග්ග ඇති මට මගේ ලොකුම ඉලක්කයත් ජය ගන්න..ඔව් දවසක team එකේ physio වෙන්න..ඉතිං මම කාලෙට ඉඩ දීලා බලන් ඉන්නවා..හරියට මේ මොහොත එනකන් මම අවුරුදු 13කට වඩා බලන් හිටියා වගේ...
Thank you Angelo Mathews you made my whole life"
කෙසේවෙතත් මෙම සටහන ෆේස්බුක් සහ අනෙකුත් මාධ්‍ය මගින් ප්‍රචාරය වීමෙන් පසුව ඇන්ජෙලෝ මැතිව්ස් මෙම තරුණියව හමු වී තිබෙනවා. ඒ වගේම ඔහු සමග ඡායාරූප කිහිපයක් ලබාගැනීමටත්, ඇන්ජිගේ අත්සන සහිත ටී ෂර්ට් එකක් ඇයට තෑගි කිරීමටත් ඇන්ජෙලෝ කටයුතු කර තිබුණා.
