අපි බලාපොරොත්තු තැබූයෙමු. එහෙත් ඒ බලාපොරොත්තු බොඳ විණි - නොනිදන අරගලය වෙනුවෙන් ඔහුගේ හඬත්
අරගලයට එකතුවෙලා ඉන්න කලා තරු අතර හැමෝගෙම ආදරයට පාත්‍ර වන තරු රැසක් ගැන තොරතුරු අහන්න දකින්න ලැබෙනවා. සිංහල සිනමාවේ දැවැන්ත සලකුණක් වන රවීන්ද්‍ර රන්දෙනියයන් ද මේ අරගලයත් එක්ක අත්වැල් බැඳගෙන ඉන්න අයුරු ෆේස්බුක් සටහනක් ඔස්සේ අපිට දැකගන්න ලැබුණා.පහතින් දැක්වෙන්නේ ඔහු තැබූ එම සටහනයි...
අපි බලපොරොත්තු තැබූයෙමු. එහෙත් ඒ බලාපොරොත්තු බොඳ විණි. රට දිනෙන් දින අර්බුදයෙන් අර්බුදයට ඇද වැටිණි.
මේ අර්බුදයෙන් රට ගොඩ ගන්නට පාලකයන් සතුව සැලසුමක් හෝ දුර දැක්මක් නොවිණි. ඔවුන් අනුගමනය කළේ පරිහානියේ පිළිවෙත් මිස අපරිහානියේ පිළිවෙත් නොවේ. රටත් ජනතාවත් දිනෙන් දින පීඩාවට පත්විණි. විපතට පත්විණි. ඉවසා සිටින්නට බැරි තැන ජන අරගලය පැන නැගිණි. දුක් පීඩා නැති, සුපිළිපන් දේශයක් වෙනුවෙන්, අවිහිංසාව සහ ආදරය පැතිරුණු සකලවිධ භේදවලින් තොර රටක් වෙනුවෙන් නැගුණු ජනතා හඬ සමග අපිදු නැගී සිටිමු. ජන හඬට එක්වෙමු. අරගලයට සහය දෙමු .
- රවීන්ද්‍ර රන්දෙනිය
