Sri Lanka Got Talent Season II සෑම සෙනසුරාදා සහ ඉරිදාකම සිරස ටීවි තුළින්
සිරස ටීවි මගින් විකාශය කරනු ලබන ශ්‍රී ලංකා ගොට් ටැලන්ට් (Sri Lanka Got Talent) දෙවන අදියර වන Sri Lanka Got talent Season II හී මාධ්‍ය දැනුවත් කිරීමේ උත්සවයක් පසුගිය දා රත්මලාන Stein Studio හී දී පැවැත්වුණි.
ඒ අනුව සෑම සෙනසුරාදා සහ ඉරිදා දිනකම රාත්‍රි 8.30ට සිරස ටීවි තුලින් විකාශය වන මෙහි දෙවන අදියරෙහි මෙවර විනිශ්චයකරුවන් ලෙස අඛිල ධනුද්දර, සංගීතා වීරරත්න, ධනු ඉන්නාසිතම්බි සහ නටාෂා රත්නායක විසින් කටයුතු කරනු ඇති.
මෙවර මූලික වටයේ පරීක්ෂණ රත්මලාන, කුරුණෑගල, අනුරාධපුර, නුවර, ත්‍රිකුණාමලය, යාපනය, හලාවත, රත්නපුර සහ බදුල්ල යන නගර වලදී පවත්වා ඇති අතර ඒ සඳහා සහභාගී වූ දහස් ගණනක් වූ තරඟකරුවන් අතරින් 140ක් Judges Audition වටය සඳහා තෝරාගෙන තිබේ.
ලොව පුරා මහද්වීප 6ක රටවල් 70ක් පුරා විවිධ නම්වලින් විකාශය වූ Got Talent වැඩසටහනෙහි ප්‍රථම වැඩසහන පළමු වරට 2007 වසරේදී Britain's Got Talent නමින් විකාශය වූ අතර Sri Lanka Got Talent හී පළමු වැඩසටහන පවත්වන ලද්දේ 2018 වසරේදියි.
