සම්මානනීය රංගන ශිල්පී බිමල් ජයකොඩිට සැක්සෆෝනය වාදනය කරන්න පුළුවන්
මෙරට කලා පවුල්වලින් ක්ෂේත්‍රයට එන දක්ෂයන් අතර "ජයකොඩි" පරම්පරාවේ දෙවැනි පරපුර නියෝජනය කරන බිමල් ජයකොඩි පිළිබඳව අමුතුවෙන් විස්තර වර්ණනා අවශ්‍ය නැහැ. තරුණ පරපුරේ දක්ෂ රංගන ශිල්පීන් අතර ඉහළ පෙළ නියෝජනය කරන බිමල් නිරන්තරයෙන් සම්මානනීය වෙන රංගන ශිල්පියෙක්.
හිරු නාළිකාව ඔස්සේ විකාශය වන "රැල්ල වෙරළට ආදරෙයි" ටෙලිනාට්‍යයේ වීරවර්ණගේ චරිතයට පණ පොවන බිමල් පසුගියදා තම මුහුණු පොතේ ඡායාරූප කීපයක් පළ කරලා තිබුණා. ඒ ඔහු සැක්සෆෝනයක් වාදනය කරන ඡායාරූප කීපයක්. ඒ ඔහු ඕස්ට්‍රේලියාවේ මෙල්බන්හී ප්‍රසංගයක් අතරතුරදී ගත් ඡායාරූප කීපයක්.
විශ්වාස කරන්න පුළුවන්ද බිමල්ට සැක්සෆෝනය වාදයන කරන්න පුළුවන් බව? බිමල්ට රංගනයට අමතරව වාදන හැකියාවක් තියෙන බව? ඔව් බිමල් කියන්නේ රංගනය වගේම සංගීතයත් ප්‍රගුණ කළ දක්ෂ රංගන ශිල්පියෙක්. ගායකයෙක් ලෙසත් ඔහු ඔහුගේ දක්ෂතා මින් පෙර පෙන්වා තියෙනවා.
