බුද්ධික ජයරත්නගේ පුතුගේ 5 වැනි උපන්දිනයට ගත් තෑග්ග 7 වැනි උපන්දිනයට දුන් ඔහුගේ ප්‍රියතම මාමා
බුද්ධික ජයරත්න කියන්නේ වර්තමාන සිනමාවේ ජනප්‍රියම දුෂ්ඨයා නැතිනම් ජනප්‍රියම ප්‍රතිවීරයා කිව්වොත් නිවැරදියි.
ඔහු ප්‍රතිවීර චරිතය කළ සෑම සිනමාපටයකම පාහේ ඔහුගේ චරිතයට ඔහු කොතෙක් සාධාරණයක් ඉටු කළාද යත් ප්‍රේක්ෂකයන් ඔහු ගැන සැබවින්ම කෝප වන පරිදි ඔහු ඒ චරිත ගොඩනඟා තියෙනවා.
බුද්ධිකගේ අවුරුදු හතක් වයස පුංචි පුතෙක්ගේ තාත්තා කෙනෙක්. ඔහුගේ නම තේජාන්. තේජාන් තමන්ගේ හත්වැනි උපන්දිනය මේ ළඟදි සැමරුවා. තේජාන්ට ඔහුගේ උපන්දිනයට අපූරු කෙනෙක්ගෙන් අපූරු තෑග්ගක් ලැබුණා.
ඒ වෙන කවුරුත් නෙමෙයි අපි හැමෝම ආදරය කරන ප්‍රවීණ රංගන ශිල්පී කමල් අද්දරාරච්චිගෙන්. තේජාන්ගේ ප්‍රියතම අංකල් කමල් අද්දරාරච්චිලු. ඔහුගෙන් තේජාන්ගේ හත්වැනි උපන්දිනයට ලැබුණේ කමල් තේජාන්ට පස්වැනි උපන්දිනයට ගත්ත තෑග්ගක්. ඒ තෑග්ග සෙල්ලම් කාර් රථයක්. එය වසර දෙකක් කමල්ගේ මෝටර් රථයේ තිබිලා තියෙනවා.
බුද්ධික මේ අපූරු සිදුවීම ගැන සටහනක් ඔහුගේ ෆේස්බුක් ගිණුමේ පළ කරලා තිබුණා. ඒ බුද්ධික, තේජාන් පුතා සහ කමල් සමඟ ගත් ඡායාරූපයක් සමඟින්.
පහත දැක්වෙන්නේ ඒ සහටහන් සහ ඡායාරූපය..
"තේජාන්ට ඔහුගේ 5 උපන්දින තෑග්ග ලැබුණේ ඔහු තම 7 වැනි උපන්දිනය සැමරීමෙන් පසුව.... ඔහුගේ ප්‍රියතම මාමාගෙන්... වසර දෙකකට ආසන්න කාලයක් එය මෝටර් රථයේ තබා ගැනීම ගැන ස්තූතියි කමල්..."
