ප්‍රවීණ ගායන ශිල්පිනි නිරෝෂා විරාජිණිය ගැන, හිරු තරුව අමීෂ කියන කතාව
අමීෂ මිනෝල්. ගෙවුණු දවසක හිරු වේදිකාවේ අති උත්කර්ෂවත් අන්දමින් ලාංකීය රසික හදවත් අමන්දානන්දයට පත්කළ හිරු තරුව වූයේ ඔහුයි. හිරු ස්ටාර් සීසන් 03හි ජය කුසලානය තමන් සන්තක කරගත් අමීෂ සිය ෆේස්බුක් ගිණුමෙහි සොඳුරු සටහනක් තබා තිබුණා. ඒ ප්‍රවීණ ගායන ශිල්පිනි, හිරු ස්ටාර් විනිසුරු නිරෝෂා විරාජිණී ගැනයි.
"ජීවිතේ කවදාවත් නොසිතූ නොපැතූ විදියට මම ආස කරපු "පුන්සඳ රෑට අවිදින්" ගීතයේ මුල් ගායිකාව ඇස් පනාපිට දකින්න මට අවස්ථාව ලැබුණේ Hirustar වේදිකාවෙන්. ඇය නිරෝෂා විරාජිණී ලාලිත්‍යා ඇය මගේ ජීවිතයට දුන්නෙ සංගීත දැනුම විතරක් නෙමෙයි. ගමනක් යන්න පටන් ගත්තම හම්බවෙන සියලුම බාධක ජය ගන්න මගේ පසුපස හිටපු යෝධ හයියක් තමයි නිරෝෂා මිස්ඇ ය ලබපු අත්දැකීම්වලින් අපිට පාඩම් කියල දීල මේ ක්ෂේත්‍රයේ ඉදිරියට කලයුතු නොකලයුතු දේවල් හැමවෙලේම ලඟින් ඉඳල කියල දුන්නා. මං දැක්ක ශක්තිමත් ගැහැණියක් තමයි නිරෝෂා මිස්???? කිසිම දේකට පමණට වඩා දුක් වෙන්නෙ නැති පමණට වඩා සතුටු වෙන්නෙ නැති ඇයගේ තිබුණ පරිණතභාවය දුන්න ගුරුහරුකම්වලින්ම තේරුම් ගත්තා ඇත්තටම ඇයගේ යටතේ ඉඳල Hirustar කිරුළ ගන්න ලැබීමත් මට ලොකු සතුටක්. ගොඩක් ස්තුතියි Nirosha Virajini මිස් මගේ ජීවිතේ ලොකු පරිච්ඡේදයක් ආරම්භ කරන්න මගේ පසුපසින් ඉන්නවට…"
