ඔවුන් එක්කළ සංගීතයම ඔවුන් වෙන් කළේය - නේත්‍ර මායා
ලාංකේය සිනමාව තුළ 2022 වසරේ අති සාර්ථක ලෙස තිරගත වූ 'හිතුමතේ ජීවිතේ' චිත්‍රපටය අධ්‍යක්ෂණය කළ ක්‍රිෂාන්ත මනම්පේරිගේ නවතම චිත්‍රපටය 'නේත්‍ර මායා' නුදුරේදීම තිරගත වීමට නියමිතය. ක්‍රිෂාන්තගේ දෙවැනි චිත්‍රපට අධ්‍යක්ෂණය වන 'නේත්‍ර මායා' චිත්‍රපටය දේශිය සිනමාව තුළ මෙතෙක් නිර්මාණය නොවුනු වෙනස්ම ආකාරයේ කතා තේමාවකින් සමන්විතව ඇත.
'නේත්‍ර මායා' චිත්‍රපටය සඳහා වර්තමානයේ ජනප්‍රිය නළු නිළියන් රැසක් රංගනයෙන් දායක වෙයි. ධනුක දිල්ෂාන්, ශ්‍යාමි ප්‍රනාන්දු, චුලක්ෂි රණතුංග, දමිත් ෆොන්සේකා, ප්‍රියංකර රත්නායක, නෙත්මි රොෂෙල්, පාලිත සිල්වා, වසන්ත මොරගොඩ එම නළුනිළියන් අතර සිටිම කැපී පෙනෙන්නකි.
චිත්‍රපටයේ තිර රචනය චිත්‍රපට අධ්‍යක්ෂක ක්‍රිෂාන්ත විසින්ම සිදු කොට ඇත. 'නේත්‍ර මායා' නිෂ්පාදනය තුසිත මනම්පේරිය. කැමරා ඇසින් අපුරු රූප නිමැවුම සිදුකර ඇත්තේ චන්දන ධර්මප්‍රිය විසිනි. සංස්කරණය සහ වර්ණ සංයෝජනය දිලාන් ගුණවර්ධන විසින් සිදු කර ඇත. මියුරු සංගීතයෙන් චිත්‍රපටය හැඩ වැඩ කරන්නේ නලින්ද රණසිංහ විසිනි. චිත්‍රපටයේ පසුබිමි ගායනය නලින්ද රණසිංහ සහ දිව්‍යාංජලී රණසිංහ විසින් සිදු කර ඇත.
