'රීලෝඩ්' මාධ්‍ය දර්ශනය දා
ජාතික චිත්‍රපට සංස්ථා සරසවි චිත්‍රාගාරයේ ශබ්ද පරිපාලකයෙකු ලෙස සේවය කරන සුසන්ත ධර්මප්‍රිය අධ්‍යක්‍ෂණය කළ %රීලෝඩ්^ සිනමාපටයේ මාධ්‍ය දර්ශනය පසුගියදා (13දා) ජාතික චිත්‍රපට සංස්ථාවේ තරංගනී ශාලාවේදී පැවැත්විණි. දිල්හානි අශෝකමාලා, කුමාර තිරිමාදුර, ගිරිරාජ් කෞශල්‍ය, රොෂාන් පිලපිටිය, තාරුකා වන්නිආරච්චි, සරත් චන්ද්‍රසිරි, නන්දන හෙට්ටිආරච්චි, ටෙඩී විද්‍යාලංකාර, මහින්ද පතිරගේ, සැනට් දික්කුඹුර, ඩී.බී. ගංගොඩතැන්න, ආරියසේන ගමගේ, ගයත්‍රි ඩයස්, හේමන්ත ඊරිගම, රාජසිංහ ලෝලුවාගොඩ, ඉන්දික දේශප්‍රිය ඇතුළු දක්‍ෂ නළු නිළි පිරිසක් රංගනයෙන් දායක වන මෙම සිනමාපටයේ,නිෂ්පාදනය දායකත්වය කමල් ධර්මප්‍රිය මහින්ද උඩුවන සහ ධම්මිකා ප්‍රියදර්ශනීගෙන් වන අතර, සහාය අධ්‍යක්‍ෂණය සම්පත් රත්නායකගෙනි.
පිටපත හරිත වාසලගෙන් වන අතර, සංගීතය කපිල මැදගොඩගෙනි. කැමරා අධ්‍යක්‍ෂණය මහේෂ් කරුණාරත්න දායක වී ඇති අතර, සංස්කරණයෙන් සංස්කරණ ශිල්පී එල්මෝ හැලිඩේ දායක වී ඇත.
නිදුක් මදුෂික/ඡායාරූප - ශමීර රාජපක්‍ෂ
