‘මිතූ’ මුහුරත් උලෙළ දා
මහේෂ් රත්සර මද්දුමආරච්චිගේ කතාව, දෙබස් හා තිර රචනයෙන්, ශාන්ත සොයිසාගේ අධ්‍යක්ෂණයෙන් නිර්මාණය වන ‘මිතූ’ ටෙලිනාට්‍යයේ මුහරත් උළෙල පසුගියදා බෙල්ලන්විල රාජමහා විහාරයේදී සිදුකෙරිණි.
මෙහි රංගනයෙන් ශලිනි තාරකා, චානුක ප්‍රබුද්ධ, නිරෝෂන් විජේසිංහ, නයනා කුමාරි, ජයංගනී දික්කුඹුර, වත්සලා දියලගොඩ, සහන් රංවල, චාමර ප්‍රියදර්ශන, බුද්ධික කළිඳු හා ළමා නළු අභිෂේක් සොයිසා යන නළු නිළියන් දායක වේ.
‘මිතූ’ ටෙලිනාට්‍යයේ කැමරාකරණය රොෂාන් පෙරේරාගෙන් වන අතර, සහය අධ්‍යක්ෂණය ප්‍රසන්න නිරෝෂන්ගෙනි. මෙහි කලා අධ්‍යක්ෂණය බන්දුල වීරසේකර විසින් සිදුකරනු ලබන අතර, වේෂ නිරූපණය අනුර ජයසේකරගෙනි. මෙහි සංස්කරණය එල්. ජයකොඩි විසින් සිදුකරනු ලබන අතර, නිෂ්පාදන කළමනාකරණය වික්ටර් කුරේගෙනි. ‘මිතූ’ ටෙලිනාට්‍යය ස්වාධීන රූපවාහිනය ඔස්සේ ළඟදීම විකාශනය වීමට නියමිතය.
ඡායා - ශමීර රාජපක්ෂ
