'මම කැමතිම චොක්ලට් මෙයා ආස බිස්කට්' මුහුරත් උළෙල
ශ්‍රී ලාංකීය ළමා නාට්‍ය වේදිකාවේ අළුත් ඇරඹුමක් පසුගිය දා කොළඹ හිල්ටන් රෙසිඩන්සීස් හීදි ආරම්භ විය. ඒ “මම කැමතිම චොක්ලට් මෙයා ආස බිස්කට්” වේදිකා නාට්‍යයයේ මුහුරත් උළෙලයි. මුහුරත් උළෙල සඳහා ප්‍රවීණ නාට්‍යවේදීන්, සිනමාවේදීන් සහ විවිධ ක්ෂේත්‍රයන්හි ප්‍රවීණයන් රැසක් සහභාගී විය. “මම කැමතිම චොක්ලට් මෙයා ආස බිස්කට්” නාට්‍යයයේ නිෂ්පාදන කාර්යය තිමිර රාජපක්ෂ මහතා සිදුකරන අතර ළමා හා යොවුන් නාට්‍යවේදී සචිත්‍ර රාහුබද්ධයන් නාට්‍යයේ අධ්‍යක්ෂණ කාර්යය සිදු කරයි.
ප්‍රවීණ රංගන ශිල්පිනී චාන්දනී සෙනෙවිරත්න, රංගන ශිල්පී ජයනාත් බන්ඩාර, සනත් විමලසිරි සහ ඉමායා බෝගොඩ, නවිඳු රවිශාන් යන ළමා රංගන ශිල්පීන් මේ නාට්‍ය සඳහා රංගන දායකත්වය ලබා දෙයි. “මම කැමතිම චොක්ලට් මෙයා ආස බිස්කට්” නාට්‍යයයේ මංගල දර්ශනය අගෝස්තු 10දා බිෂෝප් විද්‍යාල රංගශාලාවේදී රංගගත කිරීමට නියමිතයි.
