දක්ෂයන් බිහි කරන විස්ඩම් ආර්ට් ස්කූල්
මීට දශකයකට පෙර ළමුන් විසි දෙනෙකුගෙන් ආරම්භ කෙරුණු පැරඩයිස් ඔෆ් විස්ඩම් ආයතනය මේ වනවිට කා අතරත් ජනප්‍රියත්වයට පත්ව තිබේ. උපකාරක පන්තියක් ලෙසින් ආරම්භ කළ මෙය පසුකාලීන ව වඩා විශේෂිත වූ අධ්‍යාපන ආයතනයක් බවට පත් විය. ආරක්ෂිත ක්‍රමවේදයන් යටතේ ඉගැන්වීම් කටයුතු සිදු කෙරෙන පැරඩයිස් ඔෆ් විස්ඩම්හි සෞන්දර්ය අංශයට නැඹුරු වූ සිසුහු විශාල පිරිසක් සිටිති.
එහි ප්‍රතිඵලය ලෙසින් 2017 මැයි 5,6,7 යන දිනයන්හිදී දැවැන්ත චිත්‍ර ප්‍රදර්ශනයක් සංවිධානය කරන්නට එහි ප්‍රධානී පරාක්‍රම රත්නායක මහතා ඇතුළු කාර්ය මණ්ඩලයට හැකියාව ලැබී තිබුණි. මේ වනවිට පැරඩයිස් ඔෆ් විස්ඩම් ආයතනය උසස් අධ්‍යාපන ආයතනයක් බවට පත්වඇත්තේ එහි විවිධ වර්ගයේ වෘත්තීමය පාඨමාලාවන් ආරම්භවීමත් සමගය. දිවයිනේ ඇති සුවිශේෂී අධ්‍යාපන ආයතනයන්හි ගුරුවරුන්ගේ වැඩමුළුද පැරඩයිස් ඔෆ් විස්ඩම් ආයතනය මගින් සිසු දරුවන් සඳහා සංවිධානය කරනු ලබයි. අනාගතයේදී සෞන්දර්ය විෂයන් හදාරන සිසුන් ජාත්‍යන්තර මට්ටමට ගෙන යාම මෙම ආයතනයේ අරමුණ බව එහි ප්‍රධානී පරාක්‍රම රත්නායක මහතා සාරවිටට පවසා සිටියේය.
