Cinnamon City Weddings
සිනමන් සිටි හෝටල් සමූහය විසින් පවත්වන ලද සුවිශේෂී විවාහ මංගල ප්‍රදර්ශනය වන ‘Cinnamon City Weddings - Your Journey to ‘I Do’ පසුගියදා සාර්ථකව අවසන් විය.
සිනමන් සිටි හෝටල් වන සිනමන් ග්‍රෑන්ඩ් සහ සිනමන් ලේක්සයිඩ් හෝටල් ද්විත්වයට අයත් විවාහ මංගලෝත්සව ශාලා සහ ස්ථාන ප්‍රවර්ධනය කළ මෙම ප්‍රදර්ශනයට සහභාගී වූ අමුත්තන් හට එම හෝටල් දෙකෙන් සහ ඊට සහභාගී වූ විශාල පරාසයක සැපයුම්කරුවන්ගෙන් විශේෂ වට්ටම්ද හිමි විය.
සිනමන් සිටි හෝටල් දෙකට අයත් මංගලෝත්සව සඳහා යෝග්‍ය ශාලා සහ ස්ථාන ඒ ඒ උත්සවවලට සරිලන ආකාරයට, උදෑසන සහ සවස් කාලයේදී භාවිත කළ හැකි ආකාරය ප්‍රදර්ශනයට සහභාගි වූ අමුත්තන් හට පෙන්වා දෙන ලද අතර, මීට පෙර මංගලෝත්සව සඳහා ප්‍රවර්ධනය නොකළ ‘සිනමන් ග්‍රෑන්ඩ්’ හි ‘නුග ගම’ සහ සිනමන් ලේක් සයිඩ්හි පිහිනුම් තටාකය අවට කලාපය වැනි නව ස්ථානද මෙහිදී ප්‍රවර්ධනය කෙරිණි.
මංගල උත්සව අවස්ථා පමණක් නොව ආශීර්වාද කිරීමේ උත්සව, අනාගත මනාල, මනාලියන් සඳහා වන ප්‍රියසාද වැනි සියලු විවාහ මංගල්‍ය සම්බන්ධ සාද සහ උත්සව සඳහා මෙකී ස්ථාන යොදාගත හැකි ආකාරය පිළිබඳව අමුත්තන් දැනුවත් කිරීම මෙම ප්‍රදර්ශනයේදී සිදුකෙරිණි.
ඡායාරූප - කිත්සිරි ද මෙල්
