Saaravita.lk|| සායිෆ් පූර්ණ සුවය ලබා රෝහලෙන් පිටව යයි

මුම්බායි නගරයේ බන්ද්‍රා ප්‍රදේශයේ සිය නිවසේදි පිහි ඇනුමට ලක්වූ සුපිරි බොලිවුඩ් සිනමා නළු සායිෆ් අලී ඛාන් ලීලාවති පෞද්ගලික රෝහලේදී නේවාසික පසුගිය දිනවල ප්‍රතිකාර ලබමින් සිටියේය. කෙසේ වෙතත්, ලැබෙන තොරතුරුවලට අනුව සායිෆ් මේ වනවිට රෝහලෙන් පිටව සිය නිවසට නැවතත් පැමිණ ඇති බවය.

පසුගිය වසරේ නීතිවිරෝධී ලෙස ඉන්දියාවට ඇතුළු වූ සහ විජේ දාස් යන අන්වර්ථ නාමයෙන් උපකල්පනය කළ 30 හැවිරිදි බංග්ලාදේශ ජාතික ෂරීෆුල් ඉස්ලාම් ෂෙසාඩ් මොහොමඩ් රොහිල්ලා අමීන් ෆකීර් නමැති අනවසර පුද්ගලයා විසින් මෙසේ සායිෆ්ට පිහි ඇනුම සිදු කර ඇත. 54 වැනි වියෙහි පසුවන සායිෆ්ට ඔහු විසින් පිහි ඇනුම් හතක් සිදු කර ඇති බව වාර්තා වන අතර, මෙම පුද්ගලයා දැනට මුම්බායි පොලිස් අත්අඩංගුවේ පසුවෙන බව සඳහන් වෙයි.