Saaravita.lk|| රිතික්ගේ නව වසර සැමරුම් විඩියෝවට ඉහළ ප්‍රතිචාර

නව වසර උදාවත් සමග රිතික් රෝෂන් දැන් පදිංචිව සිටින අන්ද්‍රා ප්‍රදේශයේ නිවසට ඔහුගේ පවුලේ සාමාජිකයන් එක්විය. එහි විශේෂ ආරාධිත අමුත්තිය වූයේ රිතික්ගේ වර්තමාන පෙම්වතිය වන සබා අසාඩ්ය. නව වසර උදාවත් සමග ඔවුන් අහස් වෙඩි රතිඤ්ඤා දැ පත්තු කරමින් විනෝද වූ අතර, රිතික් හා සබා බලාපොරොත්තු බැලුනයක් පත්තු කරමින් එය ඉහළ අහසට මුදා හැර තිබුණි.

එය රිතික්ගේ සෙහොයුරිය වූ ෆස්මිනා රෝෂන් විසින් සිය සමාජ පිටු අතරේ බෙදාගෙන තිබෙනු අතර, විනාඩි කිහිපයක් යද්දේ එය වයිරල් විඩියෝවක් බවටද පත්ව තිබුණි. බොහෝ පිරිසක් එය තමන්ගේ සමාජ පිටු අතරේ බෙදාගත් අතර, ඊට ඉහළ ප්‍රතිචාරද ඔවුන් විසින් ලබා දෙන්නට අමතක කර තිබුණේද නැත.