මහේෂ් බාබුට වෙළඳ දැන්වීමකට ගෙවපු හිතාගන්න බැරි වැටුප - කිං කාන්වත් පරද්දයි
මහේෂ් බාබු එම සිසිල් බීම වර්ගයේ රූපවාහිනී වෙළඳ දැන්වීම් සඳහා නව ප්‍රවර්ධන තානාපතිවරයකු ලෙස සිය මංගල දර්ශනය ආරම්භ කර තිබෙනවා. ඔහු මේ වන විට විවිධ ප්‍රධාන සමාගම්වල නිෂ්පාදන සඳහා වෙළඳ දැන්වීම්වල රඟපා තිබෙනවා. මෙම සමාගම්ද ඔහුට විශාල මුදලක් ගෙවනු ලබනවා.
නවතම තොරතුරුවලට අනුව ඩුබායි හි බර්ජ් කලීෆා ගොඩනැගිල්ලේ දී රූගත කරන ලද වෙළඳ දැන්වීමක් සඳහා තෙළිඟු සිනමාවේ සුපිරි නළු මහේෂ් බාබුට ඉන්දීය රුපියල් කෝටි 12ක් ගෙවා තිබෙනවා.
මීට වසර කිහිපයකට පෙර ශාරුක් ඛාන්ට ප්‍රවර්ධන චිත්‍රපටයක රඟපෑම සඳහා ඉන්දීය රුපියල් කෝටි 10ක මුදලක් ගෙවා තිබෙනවා. එය එම කාලය තුළ උපරිම වැටුප ලෙස සැලකෙනවා.
මහේෂ් බාබු ලොව උසම ගොඩනැඟිල්ල වන බර්ජ් කලීෆා මුදුනේ සිට ඉන්දීය යතුරුපැදි ත්‍රාසජනක කණ්ඩායමක නියෝජිතයකු ලෙස ප්‍රවර්ධන සිසිල් බීම වර්ගය පානය කරමින් බර්ජ් කලීෆා මුදුනෙන් සාර්ථකව බැස යන ආකාරය වෙළඳ දැන්වීමේ දැක්වෙනවා.
