උපන්දිනයට දින කිහිපයක් තිබියදී, තම මිතුරාව සොයාගිය, සුනඛ සුරතලා
ජනප්‍රිය බොලිවුඩ් නළු සුෂාන්ත් සිං රාජ්පුත්ගේ ආදරණීය සුරතලා වූ ෆජ් ( Fudge ) මියගොස් ඇති බව ඉන්දීය මාධ්‍යය වාර්තා කරනවා.
ඒ අනුව ආන්දෝලනාත්මක පුවත් මවමින් මතභේද රාශියක් ඉතිරි කරමින් මියගිය සුෂාන්ත් සිය සුරතලා සමඟ ගත් රූ සටහන් කිහිපයක්ම සමාජ මාධ්‍යය පුරා හුවමරු වනවා දැකිය හැකියි.
2020 ජුනි මාසයේදී බොලිවුඩයේ දක්ෂ නළුවෙක් වූ සුෂාන්ත් සිං රාජ්පුත් ඔහුගේ බන්ද්‍රා නිවසේ මියගොස් සිටියදී සොයා ගත්තා.
අද සුශාන්ත්ගේ සොහොයුරිය ප්‍රියංකා සිං ට්විටර් සටහනක් තබමින් ඔවුන්ගේ සුරතල් බල්ලා මිය ගිය බව දන්වා තිබුණා. සුෂාන්ත්ගේ අවාසනාවන්ත වියෝවෙන් වසර තුනකට පසු, ඔහුගේ මිතුරා ද ඔහු සමීපයට මෙසේ ගොස් තිබෙනවා.
මෙම අවාසනාවන්ත පුවත හුවමාරු කරගනිමින් සුෂාන්ත්ගේ සහ ෆජ්ගේ පැරණි ඡායාරූප සහ වීඩියෝ ද හුවමාරුකරගෙන තිබෙනු දැකිය හැකියි.
හද කම්පා කරවන අනෙක් පුවත නම් ජනවාරි 21 වන දින සුෂාන්ත් සිං රාජ්පුත්ගේ උපන්දිනය යෙදී තිබීමයි. ඊට දින කිහිපයකට පෙර ඔහුගේ සුරතලා මෙසේ නික්ම ගොස් ඇත.
