'Rogue One: A Star Wars Story' ආදායම් වාර්තා තබමින් තිරගත වෙයි
පසුගිය දෙසැම්බර් 16 වැනිදා සිට ඇමෙරිකාවේදී තිරගත වීම ආරම්භ වූ මනඃකල්පිත මෙන්ම විද්‍යා ප්‍රබන්ධමය සිනමාපටයක් වන "Rogue One: A Star Wars Story" මේ වනවිට ප්‍රථම සති අන්තයේදීම ආදායම් වාර්තා තබමින් තිරගත වන බව වාර්තා වෙයි.
ස්ටාර් වෝර්ස් සිනමාපට මාලාවේ දිගුවක් ලෙස සිනමාවට නගා ඇති මෙම සිනමා පටය දෙසැම්බරයේ තිරගත වීම ආරම්භ වී ප්‍රථම සති අන්තයේදීම වැඩිම ආදායමක් ලැබූ සිනමා පට අතරින් දෙවැනි ස්ථානයට පත්වෙමින් ඉතිහාසගත වන බවද පැවසෙන අතර, මෙය ප්‍රථම සති අන්තය වනවිට ඇ.ඩො. මිලියන 155 ක ආදායමක් ලබන්නේ මෑත ඉතිහාසයේ සති අන්තයේ වැඩිම ආදායමක් ඉපැයූ සිනමාපටයක් බවටද පත්වෙමිනි. කෙසේ නමුත් මේ වනවිට ලොව පුරා තිරගත වෙමින් මුළු ආදායම ඇ.ඩො. මිලියන 323 ක ආදායමක් ඉපැයීමට සමත්ව ඇති මෙම සිනමාපටය නිර්මාණය කිරීමට වැය වී ඇත්තේ ඇ.ඩො. මිලියන 200 ක පමණ මුදලක් පමණක් බවද හොලිවුඩයෙන් වාර්තා වෙයි.
- අනුෂි දන්තනාරායන
