Instagram සටනේ මුල් තැන ඛාන්ලාට
ලොවපුරා අතිශය ජනප්‍රිය සමාජජාලයන් අතර ප්‍රමුඛ තැනක් Instagram සමාජජාලයට හිමිවේ. පසුගියදා Instagram සමාජජාලය තුළ වැඩිම පසුහඹන්නන් පිරිසක් සිටින බොලිවුඩයේ තරු ගැන තොරතුරු වාර්තා වි තිබුණි.
එහි මුල්තැන හිමිව තිබුණේ බොලිවුඩයේ ‘කිං ඛාන්’ හෙවත් ෂාරුක්ටය. පසුගිය සති අන්තය වනවිට ඔහුගේ Instagram සමාජජාල ගිණුමට එක්වූ පසුහඹන්නන් පිරිස මිලියන 34ක් බව සඳහන් වේ. එහි දෙවැනි තැන සල්මාන් ඛාන්ට හිමිව තිබුණ අතර, ඔහුට වර්තමානයේ සිටින පසුහඹන්නන් පිරිස මිලියන 31.8කි. තුන්වැනි තැන අමිර් ඛාන්ට හිමිව තිබෙන අතර, ඔහුගේ ගිණුමේ සිටින පසුහඹන්නන් පිරිස මිලියන 23කි.
බොලිවුඩ් නිළියන් අතරින් වැඩිම පසුහඹන්නන් පිරිසක් සිටින්නේ දිපීකා පදුකෝනිටය. ඒ මිලියන 22.3කි. ප්‍රියංකා චොප්රා එහි දෙවැනි තැනට පත්ව ඇති අතර, ඇයට සිටින පිරිස මිලියන 22කි. ආලියා භාට්ට පසුහඹන්නන් මිලියන 20.7ක් සිටියි.
