ෆාරාගේ හීනය සැබැ කරගන්නවාලු
නර්තන අධ්‍යක්ෂකවරියක්, චිත්‍රපට අධ්‍යක්ෂවරියක් මෙන්ම රියලටි වැඩිසටහන් විනිසුරුවරියක ලෙස කටයුතු කරන ෆාරා ඛාන් අධ්‍යක්ෂණය කළ ‘ඕම් ශාන්ති ඕම’ චිත්‍රපටය මීට දින කිහිපයකට පෙර දහ වසරක් ගෙවුණි. මේ වෙනුවෙන් උත්සවයක්ද ෆාරා ඇතුළු ‘ඕම් ශාන්ති ඕම්’ චිත්‍රපටය නිර්මාණය කළ නිෂ්පාදක කණ්ඩායම සංවිධානය කර තිබුණි.
සුපිරි තරු බොහොමයක්ද සහභාගී වූ මෙම උත්සවයේදී ෆාරා කතාවක් කරමින් කියා සිටියේ තමාගේ සිහිනයක් ඇති බවත් එය ඉතා ඉක්මනින් සඵල කරගැනීමට උත්සාහ කරමින් සිටින බවය. ඒ ‘ඕම් ශාන්ති ඕම්’ චිත්‍රපටයේ ප්‍රධාන නළුවා ලෙස රංගනයෙන් දායක වූ සිය මිතුරු ෂාරුක් ඛාන් හා සල්මාන් ඛාන් යොදා චිත්‍රපටයක් නිර්මාණය කරන්නටය. එමෙන්ම ‘ඕම් ශාන්ති ඕම්’ චිත්‍රපටයේ ප්‍රධාන නිළියට පණ පෙවූ දිපීකාද මොවුන් දෙදෙනා සමග සිය චිත්‍රපටයට එක් කර ගැනීමටද බලාපොරොත්තු වන බවය.
YOU MAY ALSO LIKE
