Saaravita.lk|| ෆර්හාන්ට අලුත් පෙම්වතිය 'ශිබානි'ද?

‘සින්ද ගී නා මිලේගී ඩෝබාරා’, ‘බාග් මිල්කා බාග්’ හා ‘දිල් දඩක්නේ දෝ’ චිත්‍රපටයහි රඟපෑ ෆර්හාන් අක්තාර් මේ දිනවල එංගලන්තයේ ලන්ඩන් නගරයේ සිදුවෙන රූපගත කිරීම් කටයුත්තක් සඳහා එක්ව සිටියි. ඒ ශොනාලි බොසීගේ ‘ද ස්කයි ඊස් පින්ක්’ චිත්‍රපටයේය. මෙහි ෆර්හාන්, ප්‍රියංකා චොප්රා සමගින් රංගනයෙන් දායක වෙයි.

මෙම රූපගත කිරිම් අතරතුරදී ෆර්හාන් තවත් තරුණියක් සමගින් ලන්ඩන් නගරයේ විදියක ගමන් කරන ඡායාරූපයක් අන්තර්ජාලයේ වෙබ් අඩවි අතර හුවමාරු වෙමින් පවති. අන්තර්ජාල වෙබ් අඩවි පවසන්නේ මෙම ඡායාරූපවල පෙනි සිටින තරුණිය ෆර්හාන්ගේ වර්තමාන පෙම්වතිය බවය. නමින් ශිබානි ඩන්දේකර් වන මෙම තරුණිය වෘත්තියෙන් මෝස්තර නිරූපිකාවකි. එමෙන්ම ජනප්‍රිය බොලිවුඩ් චිත්‍රපට කිහිපයකද ඇය රංගනයෙන් දායක වී ඇත. ෆර්හාන් මේ වනවිට 44 වැනි වියෙහි පසුවන අතර, ශිබානි 38 වැනි වියෙහි පසුවන්නීය.