ෆර්හාන් 'රොක් ඔන්' 3ට අදිමදි කරයි
මීට සති කිහිපයකට පෙර බොලිවුඩයට සමගාමීව ලොවපුරා ප්‍රදර්ශනය වූ ෆර්හාන් අක්තාර්ගේ "රොක් ඔන්" දෙවැනි චිත්‍රපටය අසාර්ථක විය. ඒ සඳහා වැය කළ ඉන්දීය රුපියල් කෝටි 21 සොයා ගැනීමට අපොහොසත් වූ මෙම චිත්‍රපටය ෆර්හාන් නිර්මාණය කළ චිත්‍රපට අතරින් අසාර්ථකම වූ චිත්‍රපටය බවට සිනමා ඉතිහාසයට එක් විය.
මේ අසාර්ථකවීම මත ෆර්හාන් යළිත් "රොක් ඔන්" තුන්වැනි චිත්‍රපටයක් නිර්මාණය කරන්නට සූදානමක් නොමැති බව මාධ්‍ය අමතමින් පවසා ඇත. ඔහු පවසා ඇත්තේ %රොක් ඔන්^ දෙවැනි චිත්‍රපටයෙන් පසුව තමාට යළිත් එහි කොටසක් හිතන්නට කාලයක් අවශ්‍ය බවය. එමෙන්ම සමහරක් විට මෙතැනින් එහාට එම චිත්‍රපටය යළිත් නිර්මාණය කරන්නට උවමනාවක්ද තමා තුළ මේ වනවිට නොමැති බව සඳහන් කොට ඇත.
ඔහුගේ "රොක් ඔන්" පළමු චිත්‍රපටය ආදායම් උපයා ගැනීම අතින් සාර්ථක වූ අතර දෙවැනි %රොක් ඔන්^ චිත්‍රපටයට නිෂ්පාදිත මුදල හෝ සොයා ගැනීමට නොහැකි විය.
