ෆර්හාන් ගායකයෙකු ලෙස ඉදිරියට
බොලිවුඩ් චිත්‍රපට අධ්‍යක්ෂවරයෙකු මෙන්ම නිෂ්පාදකවරයෙකුද ලෙස ජනප්‍රිය ෆර්හාන් අක්තාර් අතිශය ජනප්‍රිය වුයේ ‘බාග් මිල්කා බාග්’ චිත්‍රපටයේ කළ රංගනය හරහාය. ‘ෆිල්ම් ෆෙයාර්’ ඇතුළු ඉන්දීය ප්‍රධාන පෙළේ සම්මාන උළෙලයන් රැසකදීම හොඳම නළුවා බවට ‘බාග් මිල්කා බාග්’හි කළ රංගනය උදෙසා සම්මාන ලබන්නට වූ ඔහු මේ වනවිට ගායකයෙකු ලෙස සංගීත කරළියටද පැමිණ තිබේ.
අවස්ථා කිහිපයකදීම චිත්‍රපට පසුබිම් ගායනයට සම්බන්ධ වු ෆර්හාන් මේ වනවිට තමාගේම ගී නිර්මාණ ඇතුළත් ගී ඇල්බමයක් එළිදක්වා තිබේ. පසුගියදා එය එළිදක්වනු ලැබු අතර, එහි ඇතුළත් Jaane Ye Kyun Kiya ගීතය මේ වනවිට සමාජජාල වෙබ් අඩවි තුළින් මිලියන 15කට අධික පිරිසක් නරඹා ඇතැයිද වාර්තා වේ. කෙසේ වෙතත්, ඔහුගේ ඊළඟ වැයම වී ඇත්තේ ලොවපුරා තම සහභාගිත්වයෙන් ප්‍රසංග පැවැත්වීම බව සඳහන් වේ.
YOU MAY ALSO LIKE
