ෆර්හාන් අක්තාර් ප්‍රශ්න ගොඩක
‘ඩොන්’ තුන්වැනි චිත්‍රපටයේ රූපගත කිරීම් කටයුතු ආරම්භ කිරීමට මත්තෙන් එහි අධ්‍යක්ෂක ෆර්හාන් අක්තාර් ප්‍රශ්න ගොඩක පැටලි ඇතැයි බොලිවුඩ් තොරතුරු වාර්තා කර සිටියි. මේ වනවිටත් ‘ඩොන්’ තුන්වැනි චිත්‍රපටයේ ප්‍රධාන නළු චරිතයට සුපිරි නළු ෂාරුක් ඛාන් තෝරාගෙන ඇතුමුත් ඔහු සමගින් එහි ප්‍රධාන නිළි චරිතයට පණ පොවන නිළිය නිශ්චිතව තෝරා ගැනීමට ෆර්හාන් අසමත්ව තිබෙන බව සඳහන් වේ.
මෙම චිත්‍රපටය සඳහා ප්‍රියංකා චොප්රා, ෂාරුක්ගේද ඉල්ලීම මත තෝරාගත්මුත් ඇය මේ වනවිට එම අවස්ථාව ප්‍රතික්ෂේප කර තිබෙන බව සඳහන් වේ. හොලිවුඩ් නිර්මාණ සඳහා දින ලබාදී තිබීම ප්‍රියංකා මෙසේ මෙම චරිතය ප්‍රතික්ෂේප කිරීමට හේතුව වී ඇත. මේ වනවිට දිපීකා පදුකෝනි, ඇමි ජැක්සන් හා ක්‍රිති ෂැනොන්ගේ නම් මේ සඳහා යෝජනා වී තිබෙන අතර, තවමත් ඒ සඳහා තෝරා ගන්නේ කවුරුන්දැයි ප්‍රශ්නාර්ථයක පසුවේ.
YOU MAY ALSO LIKE
