'හේරා පේරී' තුන්වැන්න දෙසැම්බර්යේදී
ජනප්‍රිය චිත්‍රපටයක් වූ ‘හේරා පේරි’ චිත්‍රපටයේ තුන්වැනි කොටස රැගත් චිත්‍රපටය එළැඹෙන දෙසැම්බරයේදී රූපගත කරන්නට කටයුතු යොදා ඇති බවට තොරතුරු වාර්තා වේ.
‘හේරා පේරි’ චිත්‍රපටයේ පළමු වැනි චිත්‍රපටය 2000 වසරේදී ප්‍රදර්ශනය කළ අතර, එහි දෙවැන්න 2006 වසරේදී ප්‍රදර්ශනය කරනු ලැබීය. මෙම චිත්‍රපට දෙකම ආදායම් උපයා ගැනීම අතින් අති සාර්ථක විය. කෙසේ වෙතත්, මෙහි තුන්වැන්නක් නිර්මාණය කරන්නට වසර 12ක කාලයක් ගතවීම බොහෝ දෙනෙකුට පුදුමය දනවන කාරණයක් වී ඇත.
මෙම චිත්‍රපටයේ ප්‍රධාන චරිත සුපුරුදු පරිදි ආක්ෂේ කුමාර්, සුනිල් ෂෙට්ටි හා පරේෂ් රාවල් රංගනයෙන් දායක වන අතර, චිත්‍රපටයේ කතාව පළමු හා දෙවැන්නට වඩා බොහෝ සෙයින් වෙනස් එකක් බව දැන ගැනීමට ලැබේ. එමෙන්ම ජෝන් ඒබ්‍රිහිම් හා අභිෂේක් බච්චන් මෙහි අලුතින් එක්ව සිටින බවද සඳහන් වේ.
YOU MAY ALSO LIKE
