'හින්දි මිඩියම්' දෙවැනි චිත්‍රපටයක්?
පසුගිය වසරේ අති සාර්ථක වූ සාකෙත් චෞද්‍රරිගේ ‘හින්දි මිඩියම්’ චිත්‍රපටයේ දෙවැනි කොටසක් රැගත් චිත්‍රපටයක් නිර්මාණය කරන්නට මේ දිනවල සැලසුම් යොදමින් සිටින බව සඳහන් වේ. ආදායම් උපයාගැනීම අතින් අති සාර්ථක වූ මෙම චිත්‍රපටයෙහි ඉර්ෆාන් ඛාන් හා පාකිස්තානු සිනමා නිළි සාබා කාමර් රංගනයෙන් දායක විය.
ලැබෙන තොරතුරු පරිදි ‘හින්දි මිඩියම්’ දෙවැනි චිත්‍රපටයේද ඔවුන් දෙදෙනා ප්‍රධාන චරිත සඳහා තෝරා ගෙන තිබෙන බව සඳහන් වේ. මේ වසරේ පැවති ‘ෆිල්ම් ෆෙයාර්’ සම්මාන උළලේදී වසරේ හොඳම චිත්‍රපටය ලෙස ‘හින්දි මිඩියම්’ ද හොඳම නළුවා ලෙස එහි රඟපෑ ඉර්ෆාන් ඛාන්ද සම්මාන දිනාගන්නට සමත් විය. කෙසේ වෙතත්, මෙම චිත්‍රපටය රූපගත කරන දින මෙන්ම ප්‍රදර්ශනය කරන දින පිළිබඳව නිශ්චිත තොරතුරක් වාර්තා නොවේ.
YOU MAY ALSO LIKE
