'හසීනා පාකර්' චිත්‍රපටයෙන් පසුව ශ්‍රද්ධා
සැප්තැම්බර් 22 වැනිදින බොලිවුඩයට සමගාමීව ලොව පුරා ප්‍රදර්ශනය ඇරඹීමට නියමිත ‘හසීනා පාකර්’ චිත්‍රපටයේ ප්‍රධාන නිළි චරිතයට පණ පොවන ජනප්‍රිය බොලිවුඩ් සිනමා නිළි ශ්‍රද්ධා කපූර් මේ දිනවල එහි ප්‍රචාරක කටයුතු සඳහා එක්ව සිටිනවා. මෙම චිත්‍රපටයෙන් පසුව ඇය ඔලිම්පික් පදක්කම්ලාභී ඉන්දීය බැඩ්මින්ටන් ක්‍රීඩිකා සයිනා නේවල්ගේ ජීවිත කතාව අලළා සැකසෙන බොලිවුඩ් චිත්‍රපටයේ රූපගත කිරීම් සඳහා එක්වීමට නියමිතයි.
ශ්‍රද්ධා පවසන්නේ සයිනා නේවල්ගේ ජීවිත කතාව අලළා සැකසෙන චිත්‍රපටයේ ඇයට ලැබී ඇති චරිතය වඩාත් අභියෝගයක ගෙන දෙන්නක් බවයි. මේ දිනවල ඒ සඳහා පෙර පුහුණුවීම් සිදුකරන ශ්‍රද්ධා, දිනකට පැය 3ක කාලයක් බැඩ්මින්ටන් ක්‍රීඩාවේ යෙදෙන බවද සඳහන්. මෙම චිත්‍රපටය ලබන වසරේ තිරගත වීමට කටයුතු යොදා ඇති අතර, ප්‍රභාහස් (බාහූබලී) හා ශ්‍රද්ධා පෙනී සිටින ‘සහෝ’ චිත්‍රපටයද ලබන වසරේ තිරගත වීමට නියමිතව තිබෙනවා.
