සූසෑන්, රිතික් අයෙත් විවාහ වෙනවා
පසුගිය දෙවසර තුළදී නිරන්තරයෙන්ම බොලිවුඩය තුළ කතා බහට ලක්වූ අඹුසැමි යුවලක් ලෙස රිතික් රෝෂන් හා ඔහුගේ හිටපු බිරිඳ සූසෑන් ඛාන් හැඳින්විය හැකිය. නීතයෙන් ඔවුන් දෙදෙනා දික්කසාද වුවද ඔවුන් සිය දරුවන් වෙනුවෙන් නිතරම එකට කාලය ගත කළ බව පසුගිය කාලයේ නිරතුරුවම සඳහන් විය.
‘බොලිවුඩ් ලයිෆ්’ වෙබ් අඩවිය පසුගියදා සඳහන් කර සිටියේ සිය දරුවන් වෙනුවෙන් සූසැන් හා රිතික් දෙදෙනා ඉදිරි දිනකදී යළි විවාහ වීමට සූදානමින් සිටින බවය. මොවුන් දෙදෙනාගේ නැවත විවාහයට රිතික්ගේ මාපියන් මෙන්ම සූසෑන්ගේ මාපියන්ද මේ වනවිට යහපත් ප්‍රතිචාර දක්වා තිබෙන බවද සඳහන් වේ. පසුගියදා මුම්බායිහි ප්‍රදර්ශනය ආරම්භ කළ ටොම් ක_ස්ගේ ‘මිෂන් ඉම්ෆොසිබල් ෆේල්අවුට්’ චිත්‍රපටය නැරඹිමටද රිතික් හා දරුවන් සමගින් සූසැන්ද එක්ව සිටියහ.
YOU MAY ALSO LIKE
