සුපිරි තරු රැසක් සමගින් ‘හවුස්ෆුල්’ සිවුවැන්න
ඔක්තෝබර් මාසයේදී ප්‍රදර්ශනය වන සුපිරිතම බොලිවුඩ් චිත්‍රපටය වන්නේ හවුස්ෆුල්’ සිවුවැනි චිත්‍රපටයයි. ඔක්තෝබර් 20 වැනිදා ප්‍රදර්ශනය වන මෙම චිත්‍රපටය ෆර්හාඩ් නජිම්ගේ සිනමා නිර්මාණයකි. ‘හවුස්ෆුල්’ චිත්‍රපට මාලාවේ මුලින් නිර්මාණය කළ චිත්‍රපට ත්‍රිත්වය මෙන්ම මෙම චිත්‍රපටයද හාස්‍යමය චිත්‍රපටයක් වේ. එහෙත්, පළමු චිත්‍රපටවලට වඩා මෙහි කතා තේමාවේ වෙනසක් ප්‍රේක්ෂකයාට දකින්නට ලැබේ.
සුපුරුදු පරිදි ආක්ෂේ කුමාර්, රිතේක් දේශ්මුක් මෙහි ප්‍රධාන චරිත නිරූපණය කරන අතර, බොබි ඩියොල්, ක්‍රිති ෂැනොන්, බෝමන් ඉරානි, ක්‍රිති කාබන්ඩා, පුජා හෙඩ්ජ්, චන්කේ පාණ්ඩේ, ජොනී ලිවර් රංගනයෙන් දායක වෙයි. ඉන්දීය රුපියල් කෝටි 65ක වියදමකින් තැනුණ මෙම චිත්‍රපටයේ එංගලන්තයේ ලන්ඩන් නගරයේ සියලු රූපගත කිරීම් කටයුතු සිදු කොට ඇත.
YOU MAY ALSO LIKE
