සුපිරි තරු ප්‍රතික්ෂේප කළ චරිතයක් ෆර්හාන්ට ලැබිලා
චිත්‍රපට නිෂ්පාදකවරයෙක්, අධ්‍යක්ෂවරයෙක්, සිනමා නළුවෙක් හා ගායකයෙකු ලෙස කටයුතු කරන ෆර්හන් අක්තාර් මේ වනවිට අලුත් චිත්‍රපටයක රඟපෑමට කැමැත්ත පළ කෙට ඇතැයි වාර්තා වේ. ඒ අමිර් ඛාන්, ෂාරුක් ඛාන් හා විකී කෞශාල් විසින් ප්‍රතික්ෂේප කළ ඉන්දීය ගුවන් හමුදාවේ හිටපු ගුවන් හමුදා නිලධාරිවරයෙකු වන රාකේෂ් ෂර්මාගේ ජීවත කතාව අලලා නිර්මාණය කරන ‘සාරේ ජහාන් සේ අච්චා’ චිත්‍රපටයේය.
මෙම චිත්‍රපටයේ වැඩ කටයුතු එළැඹෙන නොවැම්බර් මාසයේදී ආරම්භ කිරීමට නියමිතව ඇති බවට තොරතුරු වාර්තා වේ. ‘සාරේ ජහාන් සේ අච්චා’ චිත්‍රපටය මුල්ම කතා බහ ඇති වුයේ 2018 වසරේ අග භාගයේදී මුත් චිත්‍රපටයට ප්‍රධාන නළුවෙකු සම්බන්ධ කර ගැනීමේ ඇති වූ ප්‍රමාදය හේතුවෙන් මෙම චිත්‍රපටයේ වැඩ කටයුතු කල්ගත වූ බව දැන ගැනීමට ලැබේ.
YOU MAY ALSO LIKE
