Saaravita.lk|| සුනිල්ගේ පුතත් සිනමාවට එන ලකුණු

ජනප්‍රිය බොලිවුඩ් සිනමා නළු සුනිල් ෂෙට්ටිගේ පුත් අහන් ෂෙට්ටි බොලිවුඩ් සිනමාවට පිවිසිමේ සූදානමක් පවතින බවට තොරතුරු වාර්තා වේ. ඒ ලබන වසරේ ප්‍රදර්ශනය වන සජිද් නදිඩ්වාලාගේ චිත්‍රපටයක් තුළිණි. සුනිල් ෂෙට්ටිගේ දියණිය ආතියා ෂෙට්ටිද මේ වනවිට බොලිවුඩ් සිනමාවට සම්බන්ධව සිටින අතර, ඇය රංගනයෙන් දායක වූ චිත්‍රපට සියල්ලම සුපර් හිට් චිත්‍රපට බවටද පත් විය.

වාර්තා වන අන්දමට සුනිල්ගේ පුත් අහන් බොලිවුඩ් සිනමාවට පිවිසෙන්නේ තෙළෙඟු සිනමාවේ අති සාර්ථක වූ ‘RX 100’ චිත්‍රපටයේ රිමෙක් චිත්‍රපටයක් හරහා බව සඳහන් වේ. කෙසේ වෙතත්, මෙම චිත්‍රපටයට සම්බන්ධ වෙන නළුනිළියන් අතරේ අහන් පමණක් තවමත් යෝජනා වී ඇති අතර, ඔහුගේ සිනමා පෙම්වතිය කවුදැයි යන්න තවමත් ප්‍රකාශයට පත්කර නොමැත.